Ўзб Рус Eng
Охирги янгиланиш : 28.05.2020



02:36:29 (GMT +5), Жм, 29 Мая 2020

“Салом, Сардоба, биз биргамиз” хайрия акцияси бошланди

Аҳамият беринг

“Салом, Сардоба, биз биргамиз” хайрия акцияси бошланди

Адлия вазирлиги Сирдарё вилоятидаги Сардоба сув омбори тўғони ўпирилиши натижасида юзага келган сув тошқинидан азият чекканларга гуманитар ёрдам юборди. 


Рўйхатга қайтиш Чоп этиш

Муаллиф : Адлия вазирлиги Жамоатчилик билан алоқалар бўлими

Адлия вазирлиги Сирдарё вилоятидаги Сардоба сув омбори тўғони ўпирилиши натижасида юзага келган сув тошқинидан азият чекканларга гуманитар ёрдам юборди.

Гуманитар ёрдам ортилган биринчи юк машиналари Тошкент шаҳридан жўнаб кетди. Озиқ-овқат маҳсулотлари, зарур истеъмол товарлари тўплами билан кўп болалик оилалар, ногиронлиги бор шахслар, кексалар таъминланади. Бу Адлия вазирлигининг “Салом, Сардоба, биз биргамиз” хайрия акцияси дастури доирасида амалга оширилажак тадбирлардан биридир.

Эвакуация қилинган фуқароларнинг бир қисми юридик коллежларга жойлаштирилди. Улар учун дам олиш ва ухлаш жойлари, иссиқ овқат, тиббий ёрдам олишлари учун зарур шарт-шароитлар яратилган. Хусусан, Оқолтин туманининг Сардоба шаҳарчаси ҳамда Мирзаобод туманининг Ёшлар қишлоғи фуқароларидан 500 нафари, шу жумладан 200 нафар вояга етмаганлар Сирдарё вилояти юридик коллежи биносига жойлаштирилди. Вазирлик раҳбарияти Сирдарё вилоятида бўлиб, жойларда аҳоли билан учрашмоқда.

Бундан ташқари, Сардобада кечаги фалокатдан жабр кўрганларга ижтимоий кўмаклашиш мақсадида вазирлик томонидан хайрли ишлар амалга оширилиши режалаштирилмоқда. Бунда хорижий ва миллий ҳамкорлардан маблағ йиғиш учун ҳомийлар жалб этиш, ёшлардан иборат кўнгиллилар гуруҳини ташкил этиш, фуқаролар мурожаатларини қабул қилиш учун махсус телеграм-бот яратиш, адлия органлари ва муассасалари мутахассисларини жалб қилган ҳолда вазиятдан келиб чиқиб, ҳуқуқий маслаҳат беришга алоҳида аҳамият қаратилмоқда. Хайрия фаолиятида Давлат хизматлари агентлиги ҳам фаол иштирок етмоқда. Тез орада давлат хизматлари марказлари томонидан жойига чиқиб бепул хизматлар кўрсатиш йўлга қўйилади.

Мамлакатимизда кечаётган мураккаб даврда Сирдарё вилояти аҳолиси яна бир синовга дуч келди. Фавқулодда ҳолат туфайли минглаб оилалар бошпанасиз қолди, коммуникация ва инфратузилма ишдан чиқди, қишлоқ хўжалиги ҳам жиддий талофот кўрди. Бу вазиятда бағрикенглик, нафақат давлат тузилмалари, балки нодавлат нотижорат ташкилотлари, бизнес вакиллари ва оддий фуқароларнинг муҳтожларга ёрдам қўлини чўзиши ғоят муҳим. Сирдарё аҳли #биз_биргамиз ва уларни бу мураккаб вазиятда ёлғиз ташлаб қўймаслигимизни ёдда тутмоғи даркор.