Ўзб Рус
Охирги янгиланиш : 21.07.2018



21:02:48 (GMT +5), Яш, 22 июл 2018

Оқыў-семинары болып өтти

Аҳамият беринг

Оқыў-семинары болып өтти

Қарақалпақстан Республикасы Әдиллик министрлигиниң мәжилислер залында Өзбекстан ҳәм Қарақалпақстан Республикасы Әдиллик министрлиги, Қарақалпақстан Республикасы Жоқарғы Кеңеси, Қарақалпақстан Республикасы Министрлер Кеңеси,


Рўйхатга қайтиш Чоп этиш

Муаллиф : Қарақалпақстан Республикасы Әдиллик министрлиги

Қарақалпақстан Республикасы Әдиллик министрлигиниң мәжилислер залында Өзбекстан ҳәм Қарақалпақстан Республикасы Әдиллик министрлиги, Қарақалпақстан Республикасы Жоқарғы Кеңеси, Қарақалпақстан Республикасы Министрлер Кеңеси, мәмлекетлик емес коммерциялық емес шөлкемлери ҳәмде ғалаба хабар қураллары ўәкиллериниң қатнасында Өзбекстан Республикасы Президентиниң усы жылдың 4 май сәнесиндеги Мәмлекетти демократиялық жаңалаў процессинде пуқаралық жәмийети институтларының ролин түп тийкарынан асырыў ис-илажлары ҳаққындағы Пәрманының мазмун-әҳмийетине бағышланған оқыў-семинары болып өтти.

Жоқарыда аты атап өтилген Пәрманның 7-бәнтинде Қарақалпақстан Республикасы Министрлер Кеңеси Баслығы, ўәлаятлар ҳәм Ташкент қаласы ҳәкимликлери Қарақалпақстан Республикасы Жоқарғы Кеңеси, халық депутатлары ўәлаятлар ҳәм Ташкент қаласы Кеңеслери қарамағында мәмлекетлик емес коммерциялық емес шөлкемлери ҳәм пуқаралық жәмийетиниң басқа институтларын қоллап-қуўатлаў жәмийетлик фондларын шөлкемлестириў ҳәмде олар өз искерлигин әмелге асырыўын даўам еттириўи ушын 2019-жылдын баслап Қарақалпақстан Республикасы бюджетинен, жергиликли бюджетлерден зәрүр қаржылар ажыратылыўы нәзерде тутылды.

Сондай-ақ, Пәрманның 8-бәнтинде Қарақалпақстан Республикасы Министрлер Кеңеси, ўәлаятлар ҳәм Ташкент қаласы хәкимликлери тийислилиги бойынша Қарақалпақстан Республикасы Жоқарғы Кеңеси, халық депутатлары ўәлаятлар ҳәм Ташкент қаласы Кеңеслери қарамағында шөлкемлестирилетуғын мәмлекетлик емес коммерциялық емес шөлкемлерин ҳәм пуқаралық жәмийетиниң басқа институтларын қоллап-қуўатлаў жәмийетлик фондларының шөлкемлестириўшилери екенлиги, соның менен биргеликте, Пәрманның 9-бәнтинде Қарақалпақстан Республикасы Министрлер Кеңеси, ўәлаятлар ҳәм Ташкент қаласы ҳәкимликлери Өзбекстан Республикасы Меншиклестирилген кәрханаларға көмеклесиў ҳәм бәсекиликти раўажландырыў мәмлекетлик комитети менен биргеликте 2019-жыл 1-январға шекем болған мүддетте Қарақалпақстан Республикасы, ўәлаятлар ҳәм Ташкент қаласы орайларында мәмлекетлик емес коммерциялық емес шөлкемлериниң аймақлық ықтыяжларынан келип шыққан ҳалда, босап жатқан ҳәм нәтийжели пайжаланылмай атырған мәмлекетлик мүлк объектлери негизинде Мәмлекетлик емес коммерциялық емес шөлкемлери үйлерин шөлкемлестириў, усы бинәларға жаңа шөлкемлестирилген, сондай-ақ, социаллық әҳмийетке ийе болған салаларда өз искерлигин әмелге асырып атырған мәмлекетлик емес коммерциялық емес шөлкемлерин ижара төлеминиң “ноль” ставкасын қоллаған ҳалда жайластырыў илажларын көриўи нәзерде тутылған.

Мине усы Пәрманнын нәтийжели ҳәм сапалы орынланыўын тәмийинлеў мақсетинде, семинар шөлкемлестириўшилери тәрепинен дәслеп Пәрманның мазмун-әҳмийети ҳәмде оның орынланыўын тәмийинлеў ушын тийисли жуўаплы мәмлекетлик уйымлар тәрепинен әмелге асырылып атырған жумыслардың барысы ҳаққында ҳәр тәреплеме тоқталып өтилди.

Буннан тысқары, оқыў-семинары даўамында мәмлекетлик емес коммерциялық емес шөлкемлериниң искерлигине сын көз-қарасынан қаралып, олардың усыныс ҳәм пикирлерин инабатқа алған ҳалда, сораў-жуўап формасында даўам етти.

Оқыў-семинары даўамында Қарақалпақстан Республикасы Әдиллик министрлигинен 2018-жыл 4-май күни 8-сан менен мәмлекетлик дизимнен өткерилген “Қарақалпақстан Республикасы Жоқарғы Кеңеси қарамағындағы мәмлекетлик емес коммерциялық емес шөлкемлери ҳәм пуқаралық жәмийетиниң басқа институтларын қоллап-қуўатлаў жәмийетлик фонды”ның гуўалығы ҳәмде басқада шөлкемлестириў ҳүжжетлери салтанатлы тәризде тийисли жуўаплы хызметкерлерге тапсырылды.

Оқыў-семинары қызғын ҳәм сораў-жуўапларға бай рәўиште болып, семинар қатнасыўшыларының қызықтырған сораўларына шөлкемлестириўшилер тәрепинен толық жуўаплар берилди.