Ўзб Рус
Охирги янгиланиш : 26.05.2018



16:51:21 (GMT +5), Яш, 27 Мая 2018

Вазирлик муассасалари

Давлат хизматлари агентлиги

Давлат хизматлари агентлиги

Раҳбар: Турахужаев Халилилло Собиржонович

Телефон:
(0371) 233-75-97

Факс:
(0371) 233-75-97

Веб-сайт:
www.davxizmat.uz

Манзил:
Тошкент шаҳри, Амир Темур кўчаси, 17-уй

e-mail:
info@davxizmat.uz

2003 йилдан буён тадбиркорлик субъектларини «ягона дарча» тамойили бўйича рўйхатдан ўтказиш туманлар (шаҳарлар) ҳокимликлари ҳузуридаги тадбиркорлик субъектларини рўйхатдан ўтказиш инспекциялари (кейинги ўринларда Инспекциялар деб юритилади) томонидан амалга ошириб келинган.

2016 йил 1 январдан бошлаб Инспекциялар негизида Тадбиркорлик субъектларига "ягона дарча" тамойили бўйича давлат хизматлари кўрсатиш ягона марказлари (кейинги ўринларда Ягона марказлар деб юритилади) ташкил этилди.

2017 йил 1 февралдан Ягона марказларнинг туманлар (шаҳарлар) ҳокимликлари тузилмасидан Ўзбекистон Республикаси Адлия вазирлиги тасарруфига ўтказилиши мазкур соҳани ривожлантириш бўйича кейинги қадам бўлиб, вертикал бошқарувни шакллантириш, уларнинг самарали фаолиятини ташкил этиш имконини берди. Натижада Ягона марказлар томонидан кўрсатиладиган давлат хизматлари сони 33 тагача ошди.

2017 йил 1 апрелдан бошлаб рўйхатга олиш тартиб-таомилларини 30 дақиқагача қисқартириш имконини берувчи тадбиркорлик субъектларини давлат рўйхатидан ўтказишнинг автоматлаштирилган тизими ишга туширилганлиги "Doing Business 2018" глобал рейтингидаги "Бизнесни рўйхатдан ўтказиш" кўрсаткичи бўйича Ўзбекистоннинг мавқеини 24-ўриндан 11-ўринга яхшилашга хизмат қилди.

Ўзбекистон Республикаси Президентининг 2017 йил 12 декабрдаги "Аҳолига давлат хизматлари кўрсатишнинг миллий тизимини тубдан ислоҳ қилиш чора-тадбирлари тўғрисида"ги ПФ-5278-сон Фармони қабул қилинди ва 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ва Ўзбекистон Республикасида Маъмурий ислоҳотлар концепциясини амалга ошириш, шунингдек, аҳолига давлат хизматлари кўрсатиш миллий тизимининг сифат жиҳатидан янги даражага ўтишини таъминлаш мақсадида Ўзбекистон Республикаси Адлия вазирлиги ҳузуридаги Давлат хизматлари агентлиги  ташкил этилди.

Қуйидагилар Агентликнинг асосий вазифалари этиб белгиланди:

жисмоний ва юридик шахсларга давлат хизматлари кўрсатиш соҳасида ягона давлат сиёсатини амалга ошириш;

ортиқча маъмурий тартиб-таомилларни бартараф этиш, шунингдек, идоралараро электрон ҳамкорликни ривожлантириш ҳисобига давлат хизматлари кўрсатиш тартибини такомиллаштириш;

Давлат хизматлари ягона реестрини шакллантириш, мазкур соҳада давлат органлари ва бошқа ташкилотларнинг фаолиятини мувофиқлаштириш;

давлат хизматлари кўрсатишда фойдаланиладиган ахборот тизимлари, ресурслари ва маълумотлар базаларини лойиҳалаштириш, тайёрлаш, жорий этиш ва интеграция қилишга ягона ёндашувларни ишлаб чиқишда иштирок этиш;

давлат хизматлари кўрсатиш соҳасида, шу жумладан тегишли ахборот тизимлари, ресурслари ва маълумотлар базаларини жорий этиш бўйича давлат органлари ва бошқа ташкилотлар фаолиятини назорат қилиш ва самарадорлигини баҳолаш;

давлат хизматлари кўрсатишнинг инновацион шакллари ва услубларини жорий этишни ташкил қилиш, мазкур соҳада қонунчилик ва ҳуқуқни кўллаш амалиётини такомиллаштириш бўйича таклифлар ишлаб чиқиш.

2018 йил 1 январдан Тадбиркорлик субъектларига "ягона дарча" тамойили бўйича давлат хизматлари кўрсатиш ягона марказлари Ўзбекистон Республикаси Президентининг туман (шаҳар)лардаги Халқ қабулхоналари ҳузурида фаолият юритувчи Давлат хизматлари марказларига айлантирилди.

Қуйидагилар уларнинг асосий вазифалари этиб белгиланди:

жисмоний ва юридик шахсларга "ягона дарча" тамойили бўйича, шу жумладан олис жойларга чиққан ҳолда давлат хизматлари кўрсатиш;

давлат хизматлари сервисининг юқори сифати, тезкорлиги, шаффофлиги, қулайлиги ва фойдаланиш имкониятини таъминлаш, мазкур соҳада бюрократия, сансалорлик ва бошқа маъмурий тўсиқларга йўл қўймаслик;

идоралараро ҳамкорликни, энг аввало, давлат хизматлари кўрсатиш учун зарур ҳужжат ва ахборотларни тезкорлик билан олишни таъминловчи электрон ҳамкорликни амалга ошириш;

давлат хизматлари кўрсатишда жисмоний ва юридик шахсларга малакали ахборот ва маслаҳат ёрдамларини тақдим этиш;

ваколатли давлат органлари ва бошқа ташкилотлар томонидан давлат хизматлари кўрсатишда қонун ҳужжатлари ва маъмурий регламентлар талабларига риоя этилишини таъминлаш.

Агентлик фаолиятини мувофиқлаштириш Ўзбекистон Республикаси Президенти девонининг Фуқаролар ҳуқуқларини ҳимоя қилиш, жисмоний ва юридик шахсларнинг мурожаатлари билан ишлашни назорат қилиш ва мувофиқлаштириш хизмати томонидан;

Агентликнинг ҳудудий бошқармалари фаолиятини мувофиқлаштириш Ўзбекистон Республикаси Президентининг Қорақалпоғистон Республикаси, вилоятлар ва Тошкент шаҳридаги Халқ қабулхоналари томонидан;

Давлат хизматлари марказлари фаолиятини мувофиқлаштириш Ўзбекистон Республикаси Президентининг туман (шаҳар)лардаги Халқ қабулхоналари томонидан амалга оширилади.

Ҳуқуқий ахборот билан таъминлаш маркази

Ҳуқуқий ахборот билан таъминлаш маркази

Раҳбар: Яминов Шухрат Махмудович

Телефон:
(0371) 236-17-33

Факс:
(0371) 233-48-44

Веб-сайт:
www.lex.uz

Адрес:
Тошкент шаҳри, Сайилгох кўчаси, 5-уй

e-mail:
Cpi-info@minjust.gov.uz

Маълумки, мамлакатимизда давлат органларини замонавий ахборот коммуникация воситалари билан таъминлаш масаласига алоҳида эътибор қаратилмоқда. Шу мақсадда Ўзбекистон Республикаси Адлия вазирлигининг Қонунчилик бош бошқармаси таркибида Ахборот-юридик маркази ташкил этилиб, унинг асосий вазифаси вазирлик марказий аппаратида компьютер тармоғини ишга тушириш ва уни такомиллаштириш этиб белгиланганди.

Вазирлар Маҳкамасининг 2000 йил 5 августдаги «Қонун ҳужжатларини туркумлашни такомиллаштириш ва ҳуқуқий ахборотларни тарқатишни тартибга солиш чора-тадбирлари тўғрисида»ги қарорига асосан Ахборот-юридик маркази вазирлик ҳузуридаги Ҳуқуқий ахборот билан таъминлаш марказига айлантирилиб унинг асосий вазифаси Қонун ҳужжатлари маълумотлари миллий базасини яратиш ва сақлаб туриш, ундан давлат бошқаруви органлари, юридик ва жисмоний шахсларнинг, қолаверса чет эл фуқароларининг фойдаланишига имконият яратиб бериш экани белгилаб берилди.

Ушбу вазифа ижроси юзасидан дастлаб, Қонун ҳужжатлари миллий базасига киритиладиган ҳужжатлар, унинг шакли, ҳужжатларни назорат ҳолатида сақлаб туриш имкониятлари ўрганиб чиқилди. Лойиҳани амалиётга жорий этиш учун вазирлик марказий аппаратидан ва бошқа ташкилотлардан малакали мутахассислар жалб қилиниб, Қонун ҳужжатлари маълумотлари миллий базаси (ҚҲММБ) концепцияси ишлаб чиқилди. Концепцияга асосан Адлия вазирлиги билан ҳамкорликда дастлаб хорижий давлатларнинг ушбу йўналишдаги тажрибаси ўрганиш ва ҚҲММБни яратиш борасида лойиҳалар кўриб чиқилиб, «Информацион излаш тизими «Ўзбекистон Республикаси Қонун ҳужжатлари маълумотлари миллий базаси», «Техник лойиҳани ишлаб чиқиш ва лойиҳадан олдин текшириш ишлари олиб бориш» каби мавзуларда қатор семинарлар ўтказилди.

Марказ раҳбарияти ва ходимларининг фидокорона меҳнатлари самараси ўлароқ 2007 йил 1 июлдан Қонун ҳужжатлари миллий базаси www.lex.uz сайтида он-лайн режимда фаолият кўрсата бошлади. Шу ўринда таъкидлаш жоизки, Қонун ҳужжатлари миллий базасининг яратилиши аҳолини ҳуқуқий ахборот билан таъминлашда мустақиллик йилларида амалга оширилган энг муваффақиятли лойиҳалардан бири бўлди.

Вазирлар Маҳкамасининг 2009 йил 31 декабрдаги «Ўзбекистон Республикаси Қонун ҳужжатлари маълумотлари миллий базасидан кенг фойдаланишни таъминлаш чора-тадбирлари тўғрисида»ги қарорига мувофиқ, юридик ва жисмоний шахсларнинг норматив-ҳуқуқий ҳужжатлар матнларидан кенг фойдаланишини таъминлаш, шунингдек ахборот-коммуникация технологияларининг замонавий воситаларидан фойдаланган ҳолда ҳуқуқий ахборотларни аҳоли эътиборига етказиш учун қўшимча шарт-шароитлар яратиш мақсадида 2010 йил 1 январдан бошлаб барча фойдаланувчиларнинг Қонун ҳужжатлари маълумотлари миллий базасидан текин фойдаланиши жорий этилди.

Ҳозирги кунда ҚҲММБ интернет тармоғи орқали норматив-ҳуқуқий ҳужжатлардан бепул кенг кўламда фойдаланиш имконини берувчи мамлакатимиздаги ягона ахборот-ҳуқуқий тизим ҳисобланади. Ваҳоланки, жаҳоннинг ривожланган бир қанча мамлакатларида ҳам аҳоли учун бу каби қулайликларнинг ҳанузгача яратилмаган. Шундан ҳам кўриш мумкинки, мамлакатимизда фуқароларнинг ҳуқуқ ва эркинликлари олий қадрият сифатида эътироф этилади, фуқаролик жамиятини ривожлантиришда аҳолининг сиёсий-ҳуқуқий маданияти, ҳуқуқий саводхонлигини ошириш давлат сиёсати даражасига кўтарилган. Бу ҳақда Президентимизнинг Ўзбекистон Республикаси Олий Мажлиси Қонунчилик палатаси ва Сенатининг 2010 йил 12 ноябрда бўлиб ўтган қўшма мажлисидаги маърузасида ҳам фуқароларнинг, айниқса ватанимиз келажаги бўлмиш ёшларимизнинг ҳуқуқий онг ва ҳуқуқий маданиятини юксалтиришда ҳуқуқий тарғиботнинг ўта муҳим аҳамият касб этиши алоҳида таъкидлаб ўтилган.

Ўзбекистон Республикаси Президентининг 2011 йил 23 августдаги ПҚ-1602-сонли қарори билан тасдиқланган Ўзбекистон Республикаси Адлия вазирлиги тўғрисидаги низомда вазирлик зиммасига юклатилган вазифалар қаторида Ўзбекистон Республикаси қонун ҳужжатлари маълумотлари миллий базасини яратиш ва сақлашни ташкил қилиш, юридик ва жисмоний шахсларнинг ундан белгиланган тартибда фойдаланишини таъминлаш кўрсатиб ўтилган.

ҚҲММБга 1990 йилдан то ҳозирги кунгача республикамизда қабул қилинган барча қонунлар, Ўзбекистон Республикаси Олий Мажлиси палаталари қарорлари, Президент фармонлари, қарорлари, фармойишлари, Вазирлар Маҳкамаси қарорлари, фармойишлари ҳамда вазирликлар, давлат қўмиталари ва идораларнинг норматив-ҳуқуқий ва техник ҳужжатлари ўзбек ва рус тилларида киритилган бўлиб, бугунги кунга келиб уларнинг сони қарийб 30 минг тани ташкил этмоқда.

Таъкидлаш жоизки, ҳуқуқий ахборот билан таъминлаш маркази қонун ҳужжатларини босма нашрлар орқали ҳам тарқатади. Жумладан, Ўзбекистон Республикасининг расмий даврий нашрлари бўлмиш Олий Мажлис палаталарининг Ахборотномаси, Ўзбекистон Республикасининг қонун ҳужжатлари тўплами ҳам бевосита марказимизда нашрга тайёрланади.

Ҳозирги кунда Ҳуқуқий ахборот билан таъминлаш маркази 8 та бўлим ва битта шўъба корхонадан иборат.

Норматив-ҳуқуқий ҳужжатларига техник ишлов бериш бўлимида қонун ҳужжатларининг расмий нашрларини, яъни, Ўзбекистон Республикаси Қонун ҳужжатлари тўплами, Ўзбекистон Республикаси Олий Мажлиси Ахборотномаси, Халқаро шартномалар тўплами ва бошқа ҳуқуқий адабиётлар нашрга тайёрланади.

Норматив-ҳуқуқий ҳужжатларига юридик ишлов бериш бўлими ходимлари эса Ўзбекистон Республикаси қонун ҳужжатлари маълумотлари миллий базасига мамлакатимиз қонунлари, Олий Мажлис ҳамда Вазирлар Маҳкамасининг қарорлари, Ўзбекистон Республикаси Президентининг фармонлари, қарорлари шу билан бир қаторда идоравий-меъёрий, техник ва барча турдаги норматив аҳамиятга эга бўлган ҳужжатларни киритиш уларга шарҳлар ёзиш, назорат ҳолатини юритиш ва уни доимий янгиланиб боришини таъминлайдилар.

Норматив-ҳуқуқий ҳужжатлар мониторинги бўлими ходимлари Қонун ҳужжатлари маълумотлари миллий базасидаги мавжуд ҳужжатларнинг доимий мониторингини юритиш, уларнинг назорат ҳолатини текшириб бориш;

Ўзбекистон Республикаси қонунлари, Ўзбекистон Республикасининг халқаро шартномалари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ва фармойишлари, Ўзбекистон Республикаси Конституциявий судининг қарорлари, Ўзбекистон Республикаси Олий суди Пленуми қарорлари, Ўзбекистон Республикаси Олий хўжалик суди Пленуми қарорлари, идоравий норматив-ҳуқуқий ҳужжатлар ҳамда маҳаллий давлат ҳокимияти органлари қарорларини инвертаризациясини амалга ошириш, LexUZ тизимига киритилмаган ҳужжатларни аниқлаш ва уларни тизимга киритиш чораларини кўриш;

Ҳозирги кунда ушбу бўлим мавжуд ҳужжатларни назорат ҳолатини юритишдан ташқари суд қарорлари, маҳаллий давлат ҳокимияти органлари қарорлари ва халқаро ҳужжатларни ҚҲММБ га киритиш ишларини амалга оширмоқда.

Шартномавий ва ҳуқуқий ишлар бўлимида марказнинг барча шартномавий масалалари билан бир қаторда ташкилий, моддий-техникавий ва Касаба уюшмаси фаолияти амалга оширилади.

Дастурий таъминотларни яратиш ва кузатиб бориш бўлими ходимлари томонидан вазирлик томонидан ахборот-коммуникация технологиялари соҳасида Адлия вазирлиги томонидан яратилаётган ахборот тизимлари шу жумладан “Электрон ҳукумат” тизими лойиҳаларини яратиш, ахборот тизимларининг дастурий таъминоти ишлаб чиқиш ва ишга тушириш бўйича ишларни амалга оширмоқда.

Техник ва тизимли хизмат кўрсатиш бўлими томонидан Адлия вазирлиги техник воситалари, телекоммуникация тармоқлари, алоқа каналлари ва компьютерлари тўҳталишларсиз ишлаши, уларни бошқаришни амалга ошириш ва тизимли техник хизмат кўрсатиш ишларни амалга оширмоқда.

Веб-ресурслар, электрон почталар ва мини-АТС билан ишлаш бўлими томонидан Адлия вазирлиги ва ҳудудий адлия органлари расмий веб-сайтларини бошқариш ва кузатиб бориш вазифалари юклатилган. Бундан ташқари, Адлия вазирлигининг электрон почта ва телефонларини бошқариш, уларнинг тўхтовсиз ишлашини таъминлаш ва кузатиб бориш ишларни амалга оширмоқда.

Юридик адабиётлар шўъба корхонасининг эса республикамизда ва хорижда чоп этилган юридик адабиётларни жисмоний ва юридик шахсларга етказилишида ўрни беқиёсдир.

Ҳозирги кунда Ҳуқуқий ахборот билан таъминлаш маркази ўзига юклатилган вазифаларни бажариш мақсадида Ўзбекистон Республикаси қонун ҳужжатлари маълумотларининг туркумланган ягона электрон базасини яратиш ва уни давлат ҳокимияти органлари ҳамда бошқа фойдаланувчиларга маълумотларни узатиш идоралараро тармоғи, Интернет глобал тармоғи, шунингдек бошқа каналлар орқали шартномавий асосда тарқатиш, ҳуқуқий ахборотлаштириш давлат дастурларини амалга оширишда иштирок этиш, хорижий давлатлар қонунчилиги ва халқаро қонунчиликнинг маълумотлар базаси яратиш, уларни фойдаланувчиларга шартнома асосида тақдим этиш, Ўзбекистон Республикаси қонунчилигини бошқа давлатларга тарқатиш ишларини амалга ошириш, адлия идоралари, муассасалари ва судларнинг компьютер тармоғини ишга тушириш ва фойдаланиш бўйича хизматлар кўрсатиш, қонун ҳужжатларининг расмий нашрларини, бошқа ҳуқуқий адабиётларни нашр этишни ташкил этиш ва уларни обуна ҳамда бошқа йўллар билан тарқатиш каби бир қатор муҳим вазифаларни самарали амалга ошириб келмоқда. 

Юристлар малакасини ошириш маркази

Юристлар малакасини ошириш маркази

Раҳбар: Тиллабаев Мирзатилло Алишерович

Телефон:
(0371) 232-19-60

Факс:
(0371) 232-19-63

Веб-сайт:
www.uzmarkaz.uz

Манзил:
Тошкент шаҳри, Ислом Каримов кўчаси, 15-уй

e-mail:
yurmarkaz@minjust.gov.uz

Ўзбекистон мустақиллиги илк кунларидан Юртбошимиз ташаббуси билан Ўзбекистон Республикаси Адлия вазирлигининг юқори малакали юридик кадрларни тайёрлаш тизимидаги роли ва ўрнини янада оширишга алоҳида эътибор қаратилиб келинмоқда.

Ўзбекистон Республикаси Президентининг 1992 йил 8 январдаги ПФ-314-сонли “Ўзбекистон Республикаси Адлия вазирлигининг фаолиятини такомиллаштириш тўғрисида”ги Фармони билан Адлия вазирлигига давлат ва хўжалик органларининг ҳуқуқий хизмат ходимларини тайёрлаш, қайта тайёрлаш ва аттестациядан ўтказишни ташкил қилиш каби янги муҳим вазифалар юклатилди.

Мазкур Фармон ижроси юзасидан Вазирлар Маҳкамасининг 1992 йил 12 ноябрдаги 523-сонли “Ўзбекистон Республикаси Адлия вазирлиги фаолиятини такомиллаштириш масалалари тўғрисида”ги қарорига кўра Адлия вазирлиги ҳузурида Қонунчилик муаммоларини тадқиқ қилиш институти очилди (кейинчалик Адлия оpганлаpи ва судлаp ходимлаpининг малакасини ошиpиш куpслаpига айлантирди).

Вазирлар Маҳкамасининг 1994 йил 19 январдаги 18-сонли “Ўзбекистон Республикаси адлия оpганлаpи ва судлаpи фаолиятини ташкил этиш масалалаpи тўғpисида”ги қарори билан Адлия ходимлари малакасини ошириш республика курслари асосида Суд ва адлия органлари ходимлари малакасини ошириш институти ташкил қилинди.

Адлия вазирлиги ҳузуридаги Юристлар малакасини ошириш маркази шу институтнинг ўзига хос давоми бўлиб, у Республикамиз Президентининг 1997 йил 25 июндаги “Ҳуқуқий тарбияни яхшилаш, аҳолининг ҳуқуқий маданияти даражасини юксалтириш, ҳуқуқшунос кадрларни тайёрлаш тизимини такомиллаштириш, жамоатчилик фикрини ўрганиш ишини яхшилаш ҳақида”ги ПФ-1791-сонли Фармони асосида ташкил топган.

Марказни ташкил этишнинг бош мақсади ҳокимият ва ҳуқуқни муҳофаза қилиш идораларининг юқори малакали кадрларга бўлган эҳтиёжини қондириш, замонавий билимлар асосида ҳуқуқшунос ходимларнинг касбий тайёргарлигини ҳамда уларни қайта тайёрлашни тубдан яхшилаш, шунингдек ҳуқуқшунослик соҳасидаги илмий тадқиқотларнинг савиясини оширишдан иборат.

Марказда адлия, суд, прокуратура, адвокатура, давлат бошқаруви идоралари, мулкчилик туридан қатъи назар, корхоналар, муассасалар ва ташкилотлар ходимлари ўқитилади.

Ҳозирги вақтда Марказ адлия ва суд органлари ҳамда адвокатура ходимларини, ҳуқуқшунос профессор-ўқитувчиларни, ҳамда давлат бошқаруви органлари ва ташкилий-ҳуқуқий шаклидан қатъи назар, бошқа ташкилотларнинг юридик хизмати ходимларини (юрисконсультларини) қайта тайёрлайдиган ва уларнинг малакасини оширадиган давлат таълим муассасаси ҳисобланади.

Марказ раҳбарияти директор ва унинг икки ўринбосаридан иборат бўлиб, унинг профессор-ўқитувчилари ва илмий-тадқиқот ходимларига адлия органлари ходимлари учун белгиланган унвон даражалари жорий этилади.

Марказ тузилмасида Давлат-ҳуқуқий фанлари, Фуқаролик-ҳуқуқий фанлари, Жиноий-ҳуқуқий фанлари, Халқаро-ҳуқуқий ва инсон ҳуқуқлари, Ўзбекистонда демократик давлат қуриш назарияси ва амалиёти кафедралари, шунингдек, ўқув-услубиёт, ўқув-ахборот компьютер, халқаро алоқалар бўлимлари, ҳамда нашриёт ва кутубхона мавжуд. Марказда илмий-услубий ишларни мувофиқлаштириб борувчи Илмий кенгашфаолият кўрсатмоқда.

Марказининг ташкил этилиши республикада суд-ҳуқуқ тизимини ислоҳ қилишга қодир, давлат ва хўжалик бошқаруви органлари, махаллий давлат ҳокимияти органлари, давлат корхоналари, муасасалари ва ташкилотлари фаолиятини ҳуқуқий таъминлаш даражасини янада юқори поғонага кўтара оладиган муносиб юристларни қайта тайёрлаш, малакасини ошириш жараёнини мумкин қадар амалиётга яқинлаштиришга қаратилган муҳим йўналиш ҳисобланади.

Марказ тингловчиларнинг касбий йўналишига монанд равишда ўқув жараёнига Ўзбекистон Республикасининг Олий Мажлиси палаталари, Конституциявий суди, Олий суди, Олий хўжалик суди, Адлия вазирлиги, Бош прокуратураси каби идораларнинг тажрибали амалиётчи ходимларини жалб қилади.

Ўқув жараёнида тингловчиларнинг назарий билимларини кенгайтириш баробарида амалий касбий-малакавий фаолиятларини янада такомиллаштириш мақсадида кўрсатиб ўтилган ташкилотларда амалий машғулотлар ташкил қилинган.

Ўқув жараёнида тингловчиларнинг назарий билимларини кенгайтириш баробарида амалий касбий-малакавий фаолиятларини янада такомиллаштириш мақсадида Ўзбекистон Республикасининг Олий Мажлиси палаталари, Ўзбекистон Республикасининг Конституциявий суди, Ўзбекистон Республикасининг Олий суди ва Ўзбекистон Республикасининг Олий хўжалик судида машғулотлар ташкил қилинади. Шунингдек, судьялар ва судьялик лавозимига тайинланиш учун заҳирага олинган номзодлар гуруҳларининг ўқув режаларига махсус «Суд этикаси курси» киритилиб, «Ўзингни англа» психологик хизматлар марказининг малакали психологлари томонидан «Вақтни бошқариш ва иш жараёнини самарали ташкил қилиш», «Стресс ва стресс келтириб чиқарувчи ҳолатлар», «Стрессга қарши ўтказиладиган тадбирлар», «Низоларни бошқариш», «Низоларни ҳал қилишнинг самарали усуллари», «Иш жараёнида мижоз билан мулоқот олиб боришнинг самарали йўллари» каби мавзулар бўйича дарслар ташкил қилиш анъанага айланди. Бундан ташқари маданий-маърифий ишлар кенг йўлга қўйилган бўлиб, тингловчилар Темурийлар тарихи давлат музейи, Давлат санъат музейи, Ўзбекистон тарихи давлат музейларига, санъат кўргазмаларига ва театрларга ташриф буюришади.

Рақамларга мурожаат қиладиган бўлсак, 1997-2000 йиллар мобайнида Марказда йилига 600-800 нафар атрофида тингловчи малака оширган бўлса, бугунги кунга келиб ҳар йили 2500 га яқин мутахассислар қайта тайёрланмоқда ва малакасини оширмоқда.

Шунингдек, Марказ томонидан турли тоифадаги бошқа мутахассислар ҳам ўқитилмоқда. Хусусан, Вазирлар Маҳкамасининг 2009 йил 26 февралдаги қарорига кўра, республикада фаолият юритаётган бозор маъмурияти ходимларининг ҳуқуқий билимлари оширилган бўлса, 2011 йил 17 февралдаги “Маъмурий жазога тортилган шахсларни марказлаштирилган ҳисобга олиш тизимини ташкил этиш тўғрисида”ги Қарорининг 7-банди ижросини таъминлаш мақсадида махсус курс ташкил этилиб, унда маъмурий ҳуқуқбузарликлар тўғрисидаги ишларни кўриб чиқиш ҳуқуқига эга бўлган мансабдор шахслар ўқитилди, айни вақтда ушбу йўналишдаги фаолият давом эттирилмоқда. Бу ўз навбатида Марказ ташкил этилганидан буён иш ҳажмининг 3-4 баробарга ошганлигидан далолат беради.

Ўқув-услубий, илмий – амалий ишларни халқаро меъёрлар даражасига кўтариш мақсадида Марказ хорижий давлатларнинг юридик институтлари, малака ошириш марказлари, шунингдек, халқаро ташкилотлар билан муносабатлар ўрнатишга алоҳида эътибор қаратилмоқда.

Сўнгги йилларда Марказда судьяларни тайёрлаш ва уларнинг малакасини ошириш тизимини янада такомиллаштириш мақсадида Германия, Франция, Буюк Британия, АҚШ, Россия ва бошқа мамлакатлар тажрибасидан фойдаланиш учун бу мамлакатлардан келган судьялар, йирик амалиётчи ва назариётчи ҳуқуқшунос олимлар билан учрашувлар ҳамда давра суҳбатларини уюштириш анъанага айланиб бормоқда. Шунингдек, Марказ вакиллари бошқа мамлакатлардаги суд-ҳуқуқ масалаларига бағишланган қатор халқаро ҳамда минтақавий анжуман ва семинарларда иштирок этмоқда.

Бундан ташқари Марказ мамлакатимизда фаолият кўрсатаётган қатор халқаро ташкилотлар – БМТнинг ривожланиш ва тараққиёт Дастури, ЕХҲТ, Халқаро Қизил хоч қўмитаси, ЮНИСЕФ, ГИЦ, Ф.Эберт ва К.Аденауэр фондлари вакиллари билан бир неча йилдан буён самарали ҳамкорлик қилиб келмоқда. Масалан, 2004 йил сентябрда Фридрих Эберт номидаги жамғарма ҳамда Инсон ҳуқуқлари бўйича Ўзбекистон Республикаси Миллий Маркази билан ҳамкорликда «Судьялар мустақиллиги: халқаро, хорижий ва миллий тажриба” мавзуига бағишланган халқаро семинар ўтказди. 2006 йил 15-16 майда ЮНИСЕФ (БМТ)нинг Ўзбекистон Республикасидаги ваколатхонаси ҳамкорлигидаВояга етмаганлар иши бўйича Ювенал одил судлов соҳасидаги халқаро андозалар” мавзуида икки кунлик тренинг ўтказилди. Тренингда Франциянинг Вояга етмаганлар иши бўйича суди судьяси Давид Аллениос Франция ювенал одил судлов тизими ҳақида маъруза қилди.

Марказ профессор-ўқитувчилари Республика ОАВ орқали ўз чиқишлари, мақолалари, давра суҳбатлари, миллий ва халқаро конференцияларда иштироклари билан республикамизнинг барча вилоятларида, турли хил ташкилотларда ҳуқуқий тарғибот ишларини олиб боришади. Жумладан, 2010-2011 йиллар мобайнида Марказнинг Халқаро ҳуқуқ ва инсон ҳуқуқлари фанлари кафедраси профессор-ўқитувчилари ЕХҲТнинг Ўзбекистондаги координатори билан ҳамкорликда ҳуқуқни муҳофаза қилувчи идораларнинг 700 дан ортиқ вакилларини Ўзбекистон Президентининг “Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси” бўйича, инсон ҳуқуқларини таъминлашнинг долзарб масалаларига бағишланган семинар-тренингларда ўқитдилар.  

http://uzmarkaz.uz/

Тошкент давлат юридик университети

Тошкент давлат юридик университети

Раҳбар: Каньязов Есемурат Султамуратович

Телефон:
(0371) 233-41-09

Факс:
(0371) 233-37-48

Веб-сайт:
www.tsul.uz

Манзил:
Тошкент шаҳри, Сайилгох кўчаси, 35-уй

e-mail:
info@tsul.uz

XXI асрда аҳолиси нуқтаи назардан баркамол, ёшлари ҳар томонлама етук, билимдон, ватанпарвар бўлиб униб ўсаётган давлат — қудратли, халқи кучли бўлади. Биз бугун мустақил тараққиёт йўлимизга бир назар ташласак, бу эзгу мақсадни рўёбга чиқариш, соғлом ва баркамол, интеллектуал салоҳияти юксак, мард ва жасур авлодни тарбиялаб вояга етказиш учун мамлакатимизда жуда кенг кўламли улуғвор ишлар амалга оширилилаётганига гувоҳ бўламиз.

Мустақиллик йилларида олий таълим тизимининг таркибий қисми сифатида юридик таълимни тубдан ислоҳ қилиш, ёш ҳуқуқшуносларни ҳар томонлама билимли ва маънавий баркамол қилиб тарбиялашга ҳам алоҳида эътибор қаратилмоқда. Президентимизнинг 2013 йил 28 июнда қабул қилинган “Юридик кадрлар тайёрлаш тизимини янада такомиллаштириш чора-тадбирлари тўғрисида”ги Қарори, шубҳасиз, юридик таълим сифати ва самарадорлигини оширишда дастуриламал бўлиб хизмат қилади.

Ушбу қарорга мувофиқ Адлия вазирлиги ҳузуридаги Тошкент давлат юридик институти университетга айлантирилди. ТДЮУ тизимида Фанлар академиясининг тугатилган Фалсафа ва ҳуқуқ институти базасида ҳуқуқий тадқиқотлар маркази ташкил этилди.

Университет олдига ҳуқуқшунослик асослари, йўналишлари, илмий-тадқиқот тамойилларини чуқур ўзлаштирган, давлат ва жамоат ташкилотлари олдидаги назарий ҳамда амалий вазифаларни ҳал этишга қодир, юксак маданий савия, касбий билимдонлик ва ахлоқий-эстетик баркамолликни ўзида акс эттирган ватанпарвар, фидокор, юқори малакали мутахассис – бакалавр ва магистр кадрлар тайёрлаш ҳамда мавжуд кадрларнинг малакасини ошириш вазифаси қўйилган.

Университетда 2168 нафар талаба таҳсил олаётган бўлса, улардан 1892 нафари бакалавриатда, 276 нафари эса магистратура босқичида ўқимоқда.

ТДЮУ профессор-ўқитувчиларининг илмий салоҳиятини 2001 йилни 2012 йил билан таққослаганда фан докторлари 13 тадан 29 тага (улардан 1 нафари академик, 20 нафари эса профессор), фан номзодлари эса 57 тадан 110 тага (улардан 78 нафари доцент), фоиз ҳисобида 35%дан 66 %га ўсди. Профессор-ўқитувчиларнинг ўртача ёши 2001 йилдаги 53 ёшдан 2012 йилда 40 ёшга тушди. Ҳозирги кунда аспирантура ва магистратурани тамомлаган 66 та иқтидорли ёш мутахассис университет педагогик фаолият билан шуғулланмоқда.

2001 йилдан кейин бакалавриат ва магистратура йўналишлари бўйича жами 11 та давлат таълим стандартлари тўла қайтадан ишлаб чиқилиб, ўқув жараёнига татбиқ этилди. Ушбу стандартлар асосида бакалавриат учун 45 та, магистратура мутахассисликлари учун эса 56 та ўқув дастурларининг янги авлоди яратилди.

Мазкур дастурларнинг мазмун-моҳияти мамлакатимизда истиқлол йилларида амалга оширилаётган суд-ҳуқуқ ислоҳотларининг меъёрларига мослаштирилиб, юридик фан энг янги ютуқлари билан бойитилди.

Университет профессор-ўқитувчилари томонидан ўқув адабиётларини босқичма-босқич тайёрлаш ва чоп этиш режали асосда олиб борилиши натижасида, бугунга келиб бакалавриатнинг барча фанлари янги авлод дарсликлари билан тўлиқ таъминланди. Ҳозиргача университет профессор-ўқитувчилари томонидан 239 та дарслик, 634 та ўқув қўлланма, 503 та ўқув-услубий қўлланма тайёрланиб, ўқув жараёнига татбиқ этилди. Бунинг самараси ўлароқ 2002 йилда ТДЮУ жамоаси дарслик, қўлланма ва ўқув-услубий қўлланмалар тайёрлаш ҳамда нашр этиш буйича Республикадаги барча олий ўқув юртлари орасида биринчи ўринни эгаллади.

Шунингдек, Олий ва ўрта махсус таълим вазирлиги томонидан 2003 йилда ўтказилган танловда “Жиноят ҳуқуқи” дарслиги 1-ўринни, 2002 йилда эса “Фуқаролик ҳуқуқи” дарслиги 3-ўринни эгаллади. 2005 йилда эса “Ўзбекистон Республикаси Жиноят Кодексига шарҳлар” Ўзбекистон Республикаси Вазирлар Маҳкамаси қошидаги Фан ва технологиялар Маркази томонидан ўтказилган танлов ғолиби бўлди.

Ўқув жараёнига янги ахборот технологияларини жорий қилиш ва талабалар учун қулайликлар яратиш университет фаолиятининг энг устувор йўналишларидан бири бўлиб, қўйилган вазифаларни амалга ошириш мақсадида 676 та электрон дарслик ва ўқув қўлланма тайёрланиб, университет Ахборот-ресурс маркази қошидаги электрон базага киритилди. Кафедралар, деканатлар ва бўлимларда фойдаланиш учун жами 804 та замонавий компьютер сотиб олиниб, аудиторияларга 67 та мультимедиали проекторлар ўрнатилди. Ҳозирда университетимизда 2 та масофали ўқитиш қурилмаси, 2 та интернет-синф, 7 та компьютер синфи ва 3 та электрон кутубхона фаолият кўрсатмоқда.

Замон талабларига жавоб берадиган ҳуқуқшуносларни тайёрлаш, ўқув жараёнини такомиллаштириш ҳамда профессор-ўқитувчилар ва талабалар учун барча қулайликларни яратиш мақсадида ўқув бинолари ва талабалар турар жойи тўлиқ таъмирдан чиқарилди. Бугунги кунда ўқитувчилар дарсларни проектор, кодоскоп ва бошқа замонавий техник воситалардан унумли фойдаланган ҳолда ўтиш имкониятга эга бўлдилар.

Таълим жараёнини янада такомиллаштириш мақсадида Университетда ўргатиладиган мутахассислик фанларини Ўзбекистон Республикаси Олий Мажлиси палаталари, Олий суди, Олий хўжалик суди, прокуратура органлари, суд-экспертиза марказларида ўқитиш амалиёти йўлга қўйилган. Қолаверса, амалиётчи мутахассислар дарс жараёнларига фаол жалб қилинмоқда.

Таъкидлаш жоизки, Университетнинг халқаро ҳамкорлиги жадал ривожланмоқда. Бугунги кунда ТДЮУ бир қатор ривожланган демократик мамлакатларнинг юриспруденция соҳасидаги олий ўқув юртлари билан ўзаро ҳамкорликни мустаҳкам йўлга қўйган.

Жумладан, 11 та хорижий мамлакатларнинг (Франция, Япония, Болгария, Россия, Украина, Литва, Қозоғистон ва бошқ.) етук олий ўқув юртлари билан ҳамкорлик ҳақида шартномалар тузилди.

Юртимиз ва хорижий мамлакатларда ҳуқуқшуносликнинг долзарб масалалари муҳокамасига бағишланган қирққа яқин халқаро симпозиум, конференция ва давра суҳбатлари ташкил этилди. Хорижнинг етакчи ўқув ва илмий марказларидан келган юздан зиёд мутахассис Университетда маъруза қилган бўлса, иқтидорли талабаларидан 108 нафари хорижий таълим марказларида билимларини ошириб қайтди.

Хусусан, 2002 йилдан эътиборан Япониянинг нуфузли олий ўқув юртларининг етакчи профессорлари ТДЮУ талабаларига маърузалар ўқимоқда. Бу амалий тадбирлар Япониянинг Мия ва Нагоя Университетлари билан имзоланган ўзаро ҳамкорлик ҳақидаги шартномалар асосида олиб борилмоқда. Нагоя университети билан ўрнатилган самарали ҳамкорлик натижаларидан бири сифатида 2005 йилнинг сентябридан бошлаб Университет қошида фаолият кўрсата бошлаган “Япон тили ва ҳуқуқини ўрганиш маркази”ни мисол қилиб кўрсатиш мумкин.

Айтиш керакки, бундай марказ Ўрта Осиёда ягона бўлиб, бугунга қадар 200 га яқин университет талабаси ушбу марказда таҳсил олди. Бундай ҳамкорликнинг самараси сифатида бугунги кунда Япония олийгоҳларининг магистратура босқичида таҳсил олаётган Университетимизнинг 25 та битирувчисини ҳамда Германияда ўқиётган 3 та битирувчисини мисол қилиб кўрсатиш мумкин.

Ўтган йиллар давомида Университет профессор-ўқитувчиларидан 592 нафари мамлакатимизнинг малака ошириш марказларида, 167 нафари эса чет элнинг етакчи олий таълим муассасаларида малакасини оширишга эришди. Шу билан бирга, ТДЮУ қошидаги Малака ошириш факультетида бошқа олий таълим муассасаларининг ҳуқуқшунос педагоглари ва кадрлар бўлимлари нозирларидан қарийб 2000 киши ўз касб малакасини оширди.

Университет мутахассислари 220 та монография, 349 та рисола, 27 та қонунларга шарҳ, 160 та конференция материаллари, 69 та илмий тўплам тайёрлаб чоп этди. Университет ҳуқуқшунос олимлари томонидан тайёрланган Ўзбекистон Республикаси Конституцияси, Жиноят кодекси, Фуқаролик, Жиноят-процессуал, Хўжалик процессуал ва Уй-жой кодексларига ёзилган шарҳларни алоҳида қайд этиб ўтиш лозим.

Университет ҳузурида юридик фанлар номзоди (доктори) илмий даражасини беришга ихтисослашган 3 та кенгаш муваффақиятли фаолият олиб бормоқда. Ўтган йиллар мобайнида бу кенгашларда 37 та докторлик ва 155 та номзодлик диссертациялари ҳимоя қилинди. Турдош олийгоҳлар учун ҳам юқори малакали кадрлар тайёрлашга алоҳида эътибор қаратилиб, Қорақалпоғистон Республикаси учун мақсадли равишда 2 та фан доктори ва 15 та фан номзоди тайёрланди.

Шу билан бирга, Университет олимлари томонидан амалдаги қонунчиликни такомиллаштиришга қаратилган 400га яқин қонун лойиҳаси тайёрланиб, тегишли давлат органларига юборилди.

Бугунги кунга келиб Тошкент давлат юридик университет ўзининг иқтидорли талаба ва магистрлари, етук профессор-ўқитувчилари эришаётган салмоқли натижалар билан ҳақли равишда фахрланади.

Масалан, магистр ва талабаларимиздан 10 нафари Ўзбекистон Республикаси Президенти стипендияси совриндори, 31 нафари Алишер Навоий номидаги давлат стипендияси эгаси, 30 нафари эса республика талабалар олимпиадаларининг ғолиби бўлгани ҳаммамизни беҳад қувонтиради.

Аҳолининг кам таъминланган қатламига беғараз ҳуқуқий ёрдам кўрсатиш мақсадида Университет қошида юридик маслаҳатхона фаолияти йўлга қўйилиб, фуқароларга самарали ҳуқуқий ёрдам кўрсатилмоқда.

Юқоридагилардан келиб чиқиб, Тошкент давлат юридик университет фақат таълим йўналишидаги ўқув юрти бўлиб қолмай, балки жиддий илмий база асосида ҳуқуқий тизимни ислоҳ қилишга ўзининг муносиб ҳиссасини қўшиб келаётган илмий марказга айланганини алоҳида эътироф этиш мумкин.

Университет фаолияти билан яқиндан танишишингиз учун унинг интернетдаги қуйидаги манзили орқали веб-сайтига киришингиз мумкин.

tsul.uz

Х.Сулаймонова номидаги Республика суд экспертиза маркази

Х.Сулаймонова номидаги Республика суд экспертиза маркази

Раҳбар: Узаков Учкун Хамидович

Телефон:
(0371) 277-35-41

Факс:
(0371) 277-35-41

Веб-сайт:
www.sudex.uz

Манзил:
Тошкент шаҳри, Чилонзор, 29-уй

e-mail:
sudex@minjust.gov.uz

Хадича Сулаймонова номидаги Республика суд экспертиза маркази 1995 йилгача Тошкент суд экспертиза илмий-тадқиқот институти деб аталар эди. Ўша даврда суд экспертлик фаолиятини тартибга соладиган бирор-бир норматив-ҳуқуқий ҳужжат йўқ эди. Ўзбекистон мустақилликка эришгач Республика суд экспертиза маркази ўзининг янги ривожланиш босқичини бошлади.

Мамлакатда суд экспертиза фаолиятини такомиллаштириш, илмий тадқиқотларни ривожлантириш, холисона, аниқ ва ишончли эксперт хулосалари билан одил судловни таъминлаш мақсадида Ўзбекистон Республикаси Вазирлар Маҳкамасининг 1995 йил 22 июндаги 234-сонли “  Ўзбекистон Республикаси Адлия вазирлигининг экспертиза хизматини ривожлантириш тўғрисида”ги қарори билан Тошкент суд экспертиза илмий-тадқиқот институти Республика илмий-тадқиқот криминалистика марказига (РИТКМ) айлантирилиб, унга суд экспертизаси масалалари бўйича илмий-услубий ва мувофиқлаштирувчи идора вазифаси юклатилди.

Вазирлар Маҳкамасининг 2003 йил 27 августдаги 370-сонли “Ўзбекистон Республикаси Адлия вазирлиги фаолиятини янада такомиллаштириш чора-тадбирлари тўғрисида”ги қарори билан Республика суд экспертиза маркази деб номлана бошланди.

Аввалига суд экспертизасига оид масалалар асосан Ўзбекистон Республикаси Жиноят-процессуал, Фуқаролик процессуал, Хўжалик процессуал, Маъмурий жавобгарлик тўғрисидаги кодексларда акс эттирилган бўлиб, суд экспертизасининг тушунчаси ва унинг фаолияти маълум бир норматив-ҳуқуқий ҳужжат билан тулиқ ёритиб берилмаган эди.

Суд-ҳуқуқ тизими ислоҳ қилиниши муносабати билан суд экспертиза фаолиятига оид норматив-ҳуқуқий ҳужжатлар такомиллашиб борди. Ўзбекистон Республикаси 2010 йил 1 июнда қабул қилинган “Суд экспертизаси тўғрисида”ги Қонуни суд ишларини юритиш турларидан қатъий назар, демократик принципларга асосланган суд-экспертлик фаолиятини тартибга солувчи умумий нормаларни белгилаб берди. Қонун билан Ўзбекистон Республикасида суд-экспертлик фаолиятининг ҳуқуқий асослари тартибга солинди ва суд-экспертлик фаолияти соҳасидаги қонунчилик бирхиллаштирилди, шунингдек Ўзбекистонда суд экспертизасининг динамик ривожланиши, экспертлик тадқиқотларининг жаҳон стандартларига мос келадиган, замонавий илмий даражада ўтказилиши учун шароит яратиб берилди.

1991 йилда Марказда 4 та лаборатория, 2 та бўлим ҳамда 6 та вилоят бўлинмалари фаолият кўрсатар эди. 1992 йилда Марказ қошида суд-фонография экспертизаси бўлими ташкил қилинди ва порахўрлик, коррупция, рекэтни фош этишда муҳим ўрин эгаллайдиган суд-фонография экспертизасини ўтказиш бошланди.

1994 йилда Марказдаги суд-бухгалтерия бўлими асосида суд-иқтисодий экспертиза бўлими ташкил қилинди ва кенг қўламда иқтисодий экспертизалар ўтказила бошланди. Бу бозор муносабатларига ўтиш билан боғлиқ иқтисодий муаммоларга тааллуқли турли масалаларни ҳал этиш ва иқтисодиёт соҳасидаги ҳуқуқбузарлик ва жиноятларни очишда суд экспертизасининг имкониятларини сезиларли кенгайтирди.

2000 йилда Марказий Осиёда биринчи бўлиб Марказда одам ДНКси суд-биологик экспертизаси лабораторияси ташкил қилинди ва одам ДНКси суд-биологик экспертизасидан ўтказила бошланди.

2001 йилда Хоразм вилояти Урганч шаҳрида Марказ бўлинмаси ташкил қилинди ва суд-автотехник экспертизалар ўтказила бошланди.

Бугунги кунда Марказда 5 та лаборатория, 3 та бўлим, 7 та вилоят бўлинмалари ва эксперт гуруҳи фаолият кўрсатмоқда.

Вилоят бўлинмаларида аввал деярли барчасида фақат автотехник экспертизадан ўтказилган бўлса, мустақиллик йилларида уларда суд-иқтисодий, суд-қурилиш-техникавий, суд-товаршунослик, суд-ер экспертизалари ўтказиш ташкил қилинди.

Марказ томонидан 54 эксперт мутахассислиги бўйича кенг қамровдаги 40 та экспертиза тури ўтказилади.

Бугунги кунда Марказ суд экспертизаларини юқори илмий савияда ўтказиш, аниқ ва ишончли эксперт хулосаларини бериш учун замонавий техник база ва илғор услубларга эга бўлиб, ҳуқуқий давлатни шакллантириш, янги иқтисодий муносабатларни янада ривожлантириш шароитида унга юклатилган вазифаларни муваффақиятли ҳал қилиб келмоқда.

Унинг юксак салоҳияти анъанавий криминалистик, кимёвий, физикавий, муҳандислик, биологик, иқтисодий экспертизадан ўтказиш билан бир қаторда энг замонавий ва истиқболли одам ДНКси суд биологик (ген дактилоскопияси), фонографик (овоз ва нутқ), материалшунослик каби экспертиза турларини ўтказиш имконини беради. Сўнгги йилларда ҳеч қаерда ўтказилмаган, фақат Марказда ўтказиш ташкил этилган ўзбек тилидаги фонограммалар экспертизаси, суд-ер, йўл-транспорт, иқтисодиёт соҳасида банк-кредит, солиқ бўйича ва шу каби суд экспертизалари ўтказила бошланди.

Эксперт хулосалари энг оғир ва мураккаб жиноятларни фош этиш ва иш бўйича қонуний қарорлар қабул қилишда ҳуқуқни муҳофаза қилиш идоралари ва судларга муҳим ёрдам бериб келмоқда.

Марказ ташкил қилинган дастлабки йилларда бу ерда 3.913 та экспертиза ўтказилган бўлса, 2011 йилга келиб бу кўрсаткич 24.540 тани ташкил этди.

Марказнинг Самарқанд, Фарғона, Андижон, Қарши, Нукус, Гулистон, Урганч ва Термиз шаҳарларидаги бўлинмалари ходимлари одил судловни таъминлашга салмоқли ҳисса қўшиб келмоқдалар.

Алоҳида эътибор ҳуқуқни муҳофаза қилиш органлари ходимлари ва судьялар учун илмий-услубий ишларга қаратилган.

Марказда суд эксперт тадқиқотларини ўтказиш билан бир қаторда суд экспертиза масалалари бўйича кенг кўламда илмий тадқиқотлар ҳам олиб борилади.

Марказда олиб борилган илмий тадқиқотлар амалиёт талабларидан келиб чиқиб суд экспертизанинг ҳуқуқий, умумназарий асосларини ривожлантириш, суд экспертизанинг мавжуд услубларини такомиллаштириш ва янгиларини яратишга ва экспертиза соҳасида ахборот-қидирув тизимларини ишлаб чиқишга ва тўлдиришга қаратилган.

Бугунги кунда Марказда битта Давлат гранти асосида, Вазирлар Маҳкамаси ҳузуридаги илмий-техник тараққиётни мувофиқлаштирувчи Кенгаш томонидан тасдиқланган Давлат илмий-техника дастури (ДИТД) бўйича Ўзбекистон популяцияларининг Y-хромосома бўйича полиморфизмини тадқиқ этиш бўйича ва ички қўшимча режа асосида 13 та йўналиш бўйича илмий тадқиқотлар олиб борилмоқда.

Жумладан, суд экспертизанинг умумназарий асосларини шакллантиришга қаратилган Ўзбекистонда суд экспертизасини қонуний бошқаришни такомиллаштириш бўйича, услубий масалаларини ишлаб чиқишга қаратилган: суд-хатшунослик экспертизаси соҳасида лотин графикасига асосланган ўзбек тилида атайлаб ўзгартириб ёзилган дастхатларни тадқиқ этиш, ҳужжатларни техник-криминалистик экспертизаси бўйича босилган тасвирлардан рангли струяли принтерларни аниқлаш ва таққослаш имкониятларини тадқиқ этиш, суд-баллистика соҳаси бўйича ўқ отган шахсни аниқлашда электрон микроскопини қўллаш, гиёҳвандлик воситалари, психотроп моддалар ва прекурсорларни микромиқдорини тадқиқ этиш, ўсимлик мойларини криминалистик тадқиқ этиш, микрозарралар экспертизаси бўйича толали объектларни таққослаш усулини ишлаб чиқиш, суд-қурилиш-техникавий экспертизаси соҳасида қурилиш объектларини баҳолашнинг бозор усулини қўллаш бўйича услубий тавсиялар ишлаб чиқиш, суд автотехника экспертизаси бўйича «UzGM» (Daewoo) автомашиналарининг тормоз хусусиятларини ўрганиш, суд иқтисодий экспертиза соҳасида банк тизимида иқтисодий жиноятларни содир этишда қўлланилган ҳужжатларни тадқиқ этиш, суд фонография соҳасида рақамли мосламаларда ёзилган ўзбек тилидаги фонограммалар товуш сигналларининг кўрсаткичларига тозалаш (фильтрлаш) воситаларининг таъсирини тадқиқ этишга қаратилган тадқиқотлар амалга оширилмоқда.

Компьютер техникасини суд экспертиза амалиётига жорий этиш бўйича олиб борилаётган тадқиқотлар турли объектлар бўйича маълумотлар базасини яратишга қаратилган бўлиб, изшунослик ва шиша (ойна) экспертизаси такомиллаштиришга бағишланган.

Марказ томонидан МДҲ мамлакатлари, шунингдек АҚШ, Германия, Франция, Швейцария, Туркия, Хорватия, Финляндияда ўтказиладиган илмий-амалий конференцияларда ўзининг илмий тадқиқотлари натижалари асосида маъруза ва илмий мақолалар чоп этиб келмоқда.

Айтиш жоизки, юртимиз мустақилликка эришгандан сўнг Марказнинг халқаро нуфузи янада ошди. Адлия вазирлиги томонидан МДҲ давлатлари Азербайжан, Тожикистон, Украина, Қирғизистон, Грузия ва Хитой Халқ Республикалари Адлия вазирликлари билан суд экспертиза соҳасида ҳамкорлик тўғрисида битимлар тузилди. Уларга асосан Марказ Озарбайжон ва Украина Республикаларининг суд экспертиза муассасалари билан эксперт хулосаларини тақризга юбориш, илмий мақолаларни чоп этиш учун йўллаш ва услубий материаллар билан алмашиш шаклида ҳамкорлик олиб боради. Марказ ходимлари Чехия, Словакия, Германия Республикалари ҳамда Америка Қўшма Штатларида малака ошириб келдилар. Марказнинг 4 ходими халкаро токсикологлар жамияти (TIAFT)га аъзо бўлди.

Марказ ходимлари чет эл мутахассислари томонидан Тошкент шаҳрида ўтказилган бир неча илмий семинарларда иштирок этишган. Жумладан, Одам ДНКси суд биологик экспертизаси имкониятлари ҳақида, Ички ишлар вазирлигида ўтказилган қимматбаҳо ҳужжатлар ва янги кўринишдаги АҚШ долларини тадқиқ қилиш бўйича, Суд-тиббий экспертиза бош бюросида суд экспертиза лабораторияларини сертификациядан ўтказиш ва суд токсикология бўйича, Марказда ўтказилган синтетик гиёҳвандлик воситалар экспертизасига оид семинарларда олинган билимлар амалиётда қўлланилмокда.

Республикада суд экспертиза ва криминалистика соҳасини ривожлантиришга қўшган ҳиссаси, самарали меҳнатларини инобатга олиб, Марказнинг 14 нафар ходими давлатимиз юксак мукофотлари билан тақдирланган.

Экспертиза маркази фаолияти билан яқиндан танишишингиз учун унинг интернетдаги қуйидаги манзили орқали веб-сайтига киришингиз мумкин.

www.sudex.uz


Тошкент давлат юридик университети қошидаги Академик лицей

Тошкент давлат юридик университети қошидаги Академик лицей

Раҳбар: Бобокулов Шохназар Очилович

Телефон:
(0371) 215-12-74

Факс:
(0371) 215-12-74

Веб-сайт:
www.yurlit.uz

Манзил:
Тошкент шаҳри, Сергели тумани, 39"А" уй

e-mail:
t.tdyuqal@markaz.uz

Тошкент Давлат юридик университети қошидаги академик лицей Ўзбекистон Республикаси Вазирлар Маҳкамасининг 1998 йил 24 февралдаги “Академик лицейлар ва касб-ҳунар коллежларини ташкил этиш тўғрисида”ги 77-сонли ҳамда Тошкент шаҳар ҳокимининг 1998 йил 25 декабрдаги 534-сонли қарорлари асосида ташкил этилган. Пойтахтимизнинг Юнусобод тумани Марказ-5, 88-уйда жойлашган мазкур ўқув даргоҳига Ўрта махсус касб-ҳунар таълими Марказининг 2000 йил 10 мартдаги 39-сонли буйруғи билан академик лицей мақоми берилди. Таълим соҳасидаги ислоҳотларнинг натижаси ўлароқ, 2009 йилда Ўзбекистон Республикаси олий ва ўрта махсус таълим вазирлиги ўрта махсус, касб-ҳунар таълими марказининг 2009 йил 9 сентябрдаги 210-сонли буйруғи билан академик лицей Тошкент шаҳар Сирғали тумани 7 мавзе 39 А уйда жойлашган замонавий талабга тўла жавоб берадиган янги бинога кўчириб ўтилди.

Академик лицей ўқитувчилари томонидан Тошкент давлат юридик университети, Ўзбекистон Миллий университети, Тошкент давлат педагогика университети, Ўзбекистон давлат жаҳон тиллари университети, Ўзбекистон давлат жисмоний тарбия институти каби бир қатор нуфузли олий таълим ва илмий тадқиқот институтлари билан ўзаро ҳамкорлик алоқалари йўлга қўйилган.

Бугунги кунда академик лицейда 82 нафар педагог-ходимлар 982 нафар ўқувчиларга таълим-тарбия беришмоқда

Академик лицей ўқитувчиларидан 8 нафари фан номзоди илмий унвонига эга. Бугунги кунда улардан 2 нафари докторлик диссертацияси, 11 нафари номзодлик диссертацияси устида иш олиб боришмоқда.

Академик лицейда ўқувчиларнинг чуқур билимга эга бўлиши ва уларнинг ўқув фаолиятини ривожлантириш учун таълим муассасасида ўқув адабиётлари ҳамда турли сиёсий-бадиий адабиётларга бой Ахборот ресурс маркази (АРМ) мавжуд. Шу билан бирга АРМ да электрон дарслик ва турли дарс ишланмаларидан фойдаланиш имконияти мавжуд.

Лицейда мавжуд 64 та ўқув ва ўқув-лаборатория хоналарининг барчаси кафедра ўқитувчиларига бириктирилган бўлиб, талаб даражасида жиҳозланган.

Ёшларга кўрсатилаётган улкан эътибор ва фидойи устозларнинг меҳнати самарасини лицей ўқувчиларининг ўқишда, жамоат ишларида эришаётган ютуқлари ҳам кўрсатиб турибди. 2007-2012 йиллар мобайнида фан олимпиадаларида академик лицей ўқувчиларининг 28 нафари, Республика босқичида 5 нафари тарих ва ҳуқуқ фанларидан совринли ўринларни эгаллашиб, имтиёз билан ТДЮИ га қабул қилинган. Тошкент шаҳар босқичида 23 нафар ўқувчилар совринли ўринларни эгаллаганлар.

Академик лицейда маънавий-маърифий ишларга ҳам катта эътибор қаратилган. Бу ишларни амалга оширишнинг асосий мазмун-моҳияти вояга етмаганлар ва ўқувчи- ёшларни она- Ватанга муҳаббат, миллий ва умуминсоний қадриятларга садоқат руҳида тарбиялаш, уларнинг интеллектуал салоҳиятини рўёбга чиқариш, жисмонан соғлом ва баркамол этиб тарбиялашдан иборатдир.

Академик лицейда маънавий-маърифий ва бошқа турли тадбирларни ўтказиш учун 250 ўринли фаоллар зали ҳамда 40 кишига мўлжалланган маънавият ва маърифат зали мавжуд.

Туман, шаҳар ва республика миқёсида ўтказиладиган турли тадбирларда ўқитувчи ва ўқувчиларнинг эришган ютуқлари академик лицейда таълим олаётган ўқувчилар учун муҳим аҳамият касб этади.

Шу билан бир қаторда академик лицей ўқувчилари 2010-2011 ўқув йиллари Ўзбекистон республикасининг Инсон ҳуқуқлари бўйича Миллий маркази, Ўзбекистон Ресубликаси Адлия вазирлиги, Тошкент шаҳар Ўрта махсус касб-ҳунар таълими бошқармаси томонидан Тошкент шаҳар Ўрта махсус касб-ҳунар таълими муассасалари ўртасида “Инсон ҳуқуқлари бўйича халқаро ва миллий ҳуқуқ тизими” мавзусида ўтказилган кўрик танловда фахрли 1-ўринни эгаллади.

Академик лицейда 2012 йил 12 апрелда ўтказилган “Тарих ва таълим” конференция бўлиб ўтди. Ушбу анжуманда академик лицей ўқитувчилари турли мавзулардаги 72 та мақола билан иштирок этишди.

Олий ва ўрта махсус таълим вазирлигининг ўрта-махсус таълим бошқармаси томонидан ўтказилаётган “Барҳаёт анъаналар” кўрик танловининг шаҳар босқичида академик лицей ўқувчилари муносиб иштирок этишди ва совринли ўринни эгаллаб, танловнинг республика босқичига йўлланма олишди.

Академик лицей ўзининг барча қулайликларга эга замонавий спорт залига, ёзги футбол, волейбол ва баскетбол майдончаларига эга. Жисмоний тарбия ва спортни ривожлантириш, ўқитувчи ва ўқувчиларнинг соғлом турмуш тарзини шакллантириш мақсадида 12 та спорт тўгараклари фаолият юритмоқда.

Академик лицей ўқувчилари спортнинг бир қанча турлари бўйича катта ютуқларни қўлга киритганлар. Жумладан, 4 нафар ўқувчи жаҳон чемпиони,

6 нафари Осиё чемпионлари ҳамда 50 ка яқин спортчи ўқувчиларимиз спортнинг бир нечта йўналишлари бўйича Республика ва Халқаро мусобақаларида иштирок этиб, совринли ўринларни эгалладилар.

Лицей фаолияти билан яқиндан танишишингиз учун унинг интернетдаги қуйидаги манзили орқали веб-сайтига киришингиз мумкин.

yurlit.uz

Тошкент юридик коллежи

Тошкент юридик коллежи

Раҳбар: в.б. Эргашев Восид Ёқубович

Телефон:
(0371) 275-72-66

Факс:
(0371) 271-42-35

Веб-сайт:
www.tyuk.uz

e-mail:
Тошкент шаҳри, Учтепа тумани, 12 кв, 67"А" уй

Тошкент юридик коллежи – давлат органлари, муассасалар, ташкилотлар ва корхоналар, жамоат органлари ҳамда хўжалик юритувчи субъектлар учун кичик мутахассис ҳуқуқшунос тайёрлайдиган Ўбекистон Республикаси Адлия вазирлиги тизимидаги етакчи ўқув юртидир.

Коллежнинг тарихи, ташкил этилиши ва ривожланиши ўша пайтда Ўзбекистон Республикаси Адлия вазири бўлиб ишлаган (1970-1984), юридик фанлари доктори, профессор, Ўзбекистонда хизмат кўрсатган ҳуқуқшунос Мамлакат Собировна Восиқова номи билан боғлиқдир.

Коллеж 1977 йил 1 июлда Ўзбекистон Ҳукуматининг 560-р-сонли фармойиши асосида юридик техникум мақомида ва 1977 йил 8 сентябрда халқ хўжалигини ўрта махсус юридик маълумотли мутахассислар билан таъминлаш мақсадида Тошкентда очилган ўрта махсус юридик билим берувчи ўқув юрти негизида ташкил топган.

Юридик техникум Вазирлар Маҳкамасининг 1992 йил 14 мартдаги 130-сонли “Юридик таълимни қайта қуриш бўйича чоралар тўғрисида”ги қарорига мувофиқ Тошкент юридик коллежига айлантирилди ва Вазирлар Маҳкамасининг 2003 йил 27 августдаги “Ўзбекистон Республикаси Адлия вазирлиги фаолиятини янада такомиллаштириш чора-тадбирлари тўғрисида”ги 370-сонли қарорига мувофиқ Ўзбекистон Республикаси Адлия вазирлиги тизимига киритилди.

Коллеж ўрта махсус, касб-ҳунар таълими тизимида давлат органлари, ташкилот, корхона, муассасаларга, жамоат ташкилотларига, хусусий корхоналарга кичик мутахассис тайёрлаш билан бирга ўқувчи-ёшларга умумтаълим фанларидан билим бериб, уларнинг кейинчалик олий ўқув юртларида ўқишига имконият яратмоқда.

Ҳар йили коллежни мингдан ортиқ ўқувчи-ёшлар битириб, мустақил ҳаётга йўл олди.

Коллежда “Хўжалик масалалари ҳуқуқшуноси”, “Маъмурий-ҳуқуқий фаолият”, “Ҳуқуқшунослик” ва “Судларда ижро иши” йўналишлари бўйича кичик ҳуқуқшунос мутахассислар тайёрланмоқда.

Ўқувчи-ёшларни ахлоқий, миллий қадриятларимиз асосида маънавий жиҳатдан тарбиялаш, аҳолининг ҳуқуқий билими ва маданиятини оширишда фаол иштирок этиш ўқув даргоҳининг вазифаларидан ҳисобланади.

Коллежда ижтимоий-иқтисодий, маънавий-маърифий, сиёсий-ҳуқуқий ва таълим-тарбия соҳаларига оид Ўзбекистон Республикси Президенти фармон ва қарорлари, Вазирлар Маҳкамаси қарорлари, миллий истиқлол ғояси, вояга етмаганлар, ота-оналар билан ишлаш, спорт ва соғломлаштириш, ўқувчиларни ижтимоий ҳимоя қилиш каби долзарб мавзуларда тадбирлар ташкил этилади.

Коллежда иқтидорли ўқувчиларни аниқлаш ва уларни мақсадли тайёрлаш “Иқтидорли ўқувчиларни излаш, аниқлаш ва уларни мақсадли тайёрлаш”га доир иш режаси асосида амалга оширилиб келинмоқда.

Жумладан, жорий ўқув йили давомида коллежда ўқитиладиган деярли барча фанлар бўйича иқтидорли ўқувчилар рўйхати тузилиб, уларга мураббийлар белгиланди. Мураббийлар иқтидорли ўқувчиларни фанлар бўйича ўтказиладиган олимпиадаларга тайёрлаш, ўқувчиларнинг дарс жараёнида фойдаланишлари учун услубий кўрсатмалар тайёрлаш ва уларни илмий-тадқиқот ишлари билан шуғулланишга жалб қилиш сингари ишлар бажаради.

Талаба ёшларнинг таълим-тарбиясида Маънавият ва маърифат бўлими таркибидаги Ахборот ресурс марказининг алоҳида ўрни бор. Ахборот ресурс маркази 2006 йил сентябрь ойидан бу ном билан юритилади. Коллежнинг замонавий талабларига жавоб берадиган марказ фондини 60 мингга яқин адабиёт, 150 номда электрон дарсликлар жамланмаси ташкил қилади ва унда 120 ўринли қироатхона мавжуд. Марказ босма адабиётлар электрон ахборот ресурслари, электрон ахборот ресурс технологиялари, ахборот ресурсларини қабул қилиш ҳамда фондларни шакллантириш бўлимларидан иборат.

Кадрлар тайёрлаш миллий дастурини амалга оширишнинг устувор йўналишларидан бири ахборот ресурс маркази фаолиятини такомиллаштириш, ўсиб келаётган ёш авлоднинг интеллектуал эҳтиёжларини қондириш, маданий, маънавий-ахлоқий қадриятларни улар онгига сингдиришдир.

Ҳар йили коллеж ўқувчилари марказ ходимлари билан ҳамкорликда “Энг яхши китобхон” кўрик-танловининг барча босқичларида иштирок этиб, фахрли ўринларни эгаллаб келмоқда. Тошкент юридик коллежи ўқувчи-ёшлари бугунги кунда “Таълим тўғрисида”ги Қонун ва Кадрлар тайёрлаш миллий дастури асосида таълим олиш билан бирга республика ва халқаро миқёсдаги маданият, санъат, фан ва спорт каби турли соҳалардаги кўрик-танлов ҳамда мусобақаларда иштирок этиб, қатор ютуқларга эришмоқда.

Хусусан, 2010 йилда “Ёш ҳуқуқшунослар” кўрик-танлови республика босқичида коллеж ўқувчилари фахрли биринчи ўринни эгаллади. 2011 йилда Самарқанд шаҳрида бўлиб ўтган “Ёш ҳуқуқшунослар” республика кўрик-танловида эса коллежнинг “Куч адолатда” жамоаси олий ўринга сазовор бўлди.

Ўқувчи-ёшлар нафақат фан соҳалари бўйича, балки санъат ва журналистика йўналишлари бўйича ҳам республика миқёсидаги кўрик-танловларда Тошкент юридик коллежи ўқувчиси деган шарафли номни оқлаб, ўз истеъдод ва қобилиятларини намоён этмоқда.

Бир сўз билан айтганда, ҳозирда Тошкент юридик коллежида фан, маданият ва спорт соҳаларида улкан ютуқларга эришаётган, келажакда юртимиз равнақига муносиб ҳисса қўша оладиган ўқувчи-ёшлар таълим-тарбия олишмоқда.

Коллеж фаолияти билан яқиндан танишишингиз учун унинг интернетдаги қуйидаги манзили орқали веб-сайтига киришингиз мумкин.

tyuk.uz

“Адолат” нашриёти

“Адолат” нашриёти

Раҳбар: Инанбабаев Акмалхон Махмудович

Телефон:
(0371) 268-28-95

Факс:
(0371) 268-28-43

Веб-сайт:
www.adolatnashr.uz

Манзил:
Тошкент шаҳри, Буюк ипак йули кўчаси, 69-уй

e-mail:
info@adolatnashr.uz

ИЛК ҚАДАМЛАР

Истиқлолнинг дастлабки йилларидан барча соҳаларда, жумладан, суд-ҳуқуқ соҳасида ва инсон ҳуқуқларини ҳимоя қилиш борасида қатор ислоҳотлар амалга оширилиб келинмоқда. Президентимизнинг жиноий жазоларни либераллаштириш, қамоққа олишга санкция бериш ҳуқуқини судларга ўтказиш, ўлим жазосини бекор қилиш ҳақидаги фармонлари инсон манфаатларини ҳимоя қилиш, фуқароларнинг ҳуқуқларини таъминлаш, ҳуқуқий онги ва маданиятини юксалтириш учун қўйилган муҳим қадам бўлди.

Ўзбекистон Республикаси Президентининг 1992 йил 8 январдаги Фармони асосида ташкил этилган “Адолат” нашриёти давлат корхонаси ҳам мустақиллик билан қадам-бақадам мамлакатимизда қонун ижодкорлигининг таркиб топиши, ҳуқуқий маърифатнинг халқ онггига, айниқса, ёш авлод шуурига сингдиришга муносиб хизмат қилиб келмоқда.

Ўзининг илк фаолиятини мустақил мамлакатимиз Президентининг фармонларини чоп этишдан бошлаган нашриёт ўз мавзу режасини тобора бойитиб, ҳуқуқий-маърифий, бадиий-детектив асарлари билан халқимиз ҳаётига чуқур кириб борди.

Нашриёт мустақил Ўзбекистон Конституциясининг яратилиши ва унга шарҳлардан тортиб, иқтисодиётнинг барча соҳаларини қамраб олган қонунлар, қарорлар, республикамиз кодексларини тезкорликда чоп этиб, халққа етказишда ташаббускор бўлди. Давлат ҳужжати саналган Ўзбекистон Республикасининг 15 та кодекси ва қонун ҳужжатлари тўплами мажмуини кетма-кет, изчил нашр этиб борди. Айниқса, 2009 йилда ўзида 3300 га яқин юридик атамани жамлаган Ўзбекистон юридик энциклопедиясининг чоп этилиши ва халқимизга етказилишида “Адолат” нашриётининг ташкилотчилик қобилияти ҳуқуқий маърифат ва маданият тарғиботи учун салмоқли амалий иш бўлди.

Президентимиз ташаббуси билан яратилган мазкур энциклопедия бугунги кунда халқимизнинг ҳуқуқий билимларини мустаҳкамлашда дастуриламал бўлаётганлиги барчамизга аён. 

Ўз олдига катта режаларни мақсад қилиб қўйган ҳуқуқий маърифат ўчоғининг келгуси фаолияти салмоқдор ва масъулиятли кечиши бугундан яққол сезилмоқда. Бунга давлатимиз раҳбарининг 2010 йил 12 ноябрда Ўзбекистон Республикаси Олий Мажлиси Сенати ва Қонунчилик палатасининг қўшма мажлисида моҳиятан тарихий аҳамият касб этган “Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси” номли маърузаси асос бўлиб хизмат қилади. 

“Адолат” нашриёти томонидан муҳтарам Президентимизнинг юқорида кўрсатиб ўтилган Концепция маърузаси асосида тайёрланган 9 та номдаги ўқув услубий мажмуалар тўпламининг кўп минг нусхада нашр этилиб, тарқатилганлигини алоҳида таъкидлаш жоиз. 

“Адолат” нашриёти демократик фуқаролик жамияти қуришга жадал киришган мустақил мамлакатимиз миллий қонунчилигини тарих саҳифаларига муҳрлашда ҳамда инсон ҳақ-ҳуқуқлари ҳимоясида чинакам адолат кўзгуси бўлиб қолади.

ИЖОДИЙ ЖАРАЁН

“Адолат” нашриётининг 20 йиллик ижодий жараёни қизғин кечганлигини нашр этилган адабиётларнинг турли йўналиш ва жанрларда эканлигидан ҳам билса бўлади. Нашр этилган китоблар мазмун ва мавзусига қараб 6 бўлимга: ҳуқуқий, ижтимоий-сиёсий, илмий-оммабоп, маълумотнома, дарслик ва ўқув қўлланмалари ҳамда бадиий адабиётларга бўлинди. Бу адабиётлар 11 та: “Ўзбекистоннинг янги қонунлари”, “Ўзбекистон Республикасининг кодекслари”, “Ўзбекистон Республикаси Президентининг Фармонлари”, “Қонунларни тушунтиришга мўлжалланган адабиётлар (шарҳлар ва саволларга жавоблар)”, “Қонун ҳужжатлари тўпламлари”, “Ахлоқ. Адаб. Адолат”, “Юридик маълумотнома (справочник ва луғатлар)”, “Дарслик ва ўқув қўлланмалари”, “Ёшлар ва болалар учун адабиётлар”, “Суд очерклари ва детектив адабиётлар”, “Ҳуқуқий меросимиз хазинасидан” каби туркумларга ажратилди. Кейинчалик бу туркумларга “Давлат ва миллат рамзлари”, “Ўзбекистон ҳуқуқшунослари”, “Ўзбек детективи” рукнлари ҳам қўшилиб, мазмунан бойиб борди.

Ўтган йиллар мобайнида муҳтарам Юртбошимизнинг топшириқлари билан Ўзбекистон Республикасининг барча кодекслари, иқтисодиётнинг турли соҳаларига оид норматив-ҳуқуқий ҳужжатлар тўпламлари ўзбек ва рус тилларида, ягона шакл ва андозада, сўнгги ўзгартиш ва қўшимчалар билан кўп минг нусхаларда нашр этилиб, тарқатилмоқда.

Қонун ҳужжатларини аҳолига содда ва тушунарли ҳолда етказиш, уларнинг бир хилда қўлланилишини таъминлаш мақсадида ҳуқуқшунос олимлар билан ҳамкорлик йўлга қўйилиб, қонун ҳужжатларига шарҳларни яратишга киришилди. Ушбу саъй-ҳаракатларнинг самараси ўлароқ 
1993 йилда А.Саидов ва О.Юнусоваларнинг “Виждон эркинлиги ва диний ташкилотлар тўғрисидаги қонунга шарҳлар”, М.Усмоновнинг “Ер тўғрисидаги қонунга шарҳлар” китоблари, муаллифлар жамоаларининг мулкчилик, тадбиркорлик тўғрисидаги қонунларга берган шарҳларининг иккита китоби, шунингдек, турли йилларда Ўзбекистон Республикасининг Жиноят, Жиноят-процессуал, Жиноят-ижроия, Маъмурий жавобгарлик тўғрисидаги кодекслари, қатор қонун ҳужжатларига шарҳлар, “Пенсия таъминоти тўғрисида 1000 саволга 1000 жавоб”, “Хусусий тадбиркорлик”, “Қишлоқ хўжалигини хусусийлаштириш”, “Акционерлик жамиятлари: саволлар ва жавоблар”, “Меҳнат қонунлари бўйича юз саволга юз жавоб”, М.Восиқованинг “Ҳар бир аёл учун”, муаллифлар жамоасининг “Қишлоқ хўжалик кооперативларини ташкил этишнинг ҳуқуқий жиҳатлари” сингари ўнлаб китоблар чоп этилди.

Ноширлик корхоналари орасида ўз ўрни ва нуфузига эга бўлиб бораётган нашриётга кўплаб муаллифлар мурожаат қила бошлади. Шу билан бирга, “Адолат”нинг буюртмаси билан даврнинг долзарб мавзуларида янги китоблар яратилди, бу нашриёт мавзу режасининг бойишига олиб келди.

Солиқ, божхона, банк, молия, меҳнат, ижтимоий таъминотга оид саволларни ўз ичига олган “Аҳоли учун юридик маълумотнома” деб номланувчи 6 китобдан иборат қомусий тўплам, мамлакатимиз ҳаётида рўй берган муҳим воқеа ва саналар, республикамиз мустақиллигига бағишланган, таниқли олимлар қаламига мансуб қатор адабиётлар – Ф.Отахоновнинг “Акционерлик жамиятлари”, “Хусусий тадбиркорлик”, “Юридическая служба в народном хозяйстве”, М.Файзиевнинг “Мустақиллик нима?”, В.Тўғоннинг “Бўлинганни бўри ер”, М.Хасанийнинг “Юрт бўйнидаги қилич” (ёхуд истило), Т.Тошлоновнинг “Мустақиллик дарси”, И.Санаевнинг “Бу кўҳна дунё”, суверен давлатимизнинг янги Конституциясини шарҳлашга бағишланган Ш.Ўразаевнинг “Мустақил Ўзбекистон Конституцияси”, Ф.Раҳимовнинг “Истиқлолдан яралиб, мустақилликни мустаҳкамлаган асосий қонун”, Ҳ.Одилқориевнинг “Янги Конституция – буюк тимсол”, бобокалонимиз Амир Темур таваллудининг 660 йиллигига бағишланган инглиз адиби Ҳ.Ҳукхемнинг “Улуғ Темур”, А.Саидов ва Л.Керэнларнинг “Амир Темур ва Франция” китоблари нашр этилди.

Ёшларни ҳуқуқий меросимиз хазинасидаги асарлар билан таништириш, уларни Ватанга муҳаббат, катталарга нисбатан меҳр-оқибат руҳида тарбиялашга қаратилган М.Мақсуднинг “Мажмаъ ул-Мақсуд”, Б.Марғинонийнинг “Ҳидоя”, Ат-Термизийнинг “Сунани Термизий”, Низомулмулкнинг “Сиёсатнома”, А.Халлофнинг “Усулул фиқҳ”, “Мутафаккирлар ахлоқ-одоб ҳақида” китоблари нашрдан чиқарилди. 

Ўзбекистонда биринчилардан бўлиб “Ўзбек детективи” туркуми очилиб, ушбу туркум остида А.Жўраевнинг “Ўқ узган ким?”, Т.Маликнинг “Алвидо, болалик”, Ф.Қиличевнинг “Бургут чангалида”, “Зулматдан садолар”, Б.Носировнинг “Олтин қаср фожиаси”, муаллифлар жамоасининг “Розыск”, “Чет эл детективи” туркуми остида эса, “Сулаймон подшонинг ҳукми”, инглиз ёзувчиси Х.Чейзнинг “Қиз ўғриси”, “Преднамеренное убийство”, “Фантомас”, F.Раҳматуллаевнинг “Нафс сиртмоғида” А.Ибодиновнинг “Латофат” дўконидаги қотиллик” ва бошқа асарлар чоп этилди.

ҲАМКОРЛИК УФҚЛАРИ

Нашриёт ижодий фаолиятининг юксалиши, унга бўлган ишончнинг ортиши қатор давлат ва нодавлат ташкилотлар томонидан кўплаб буюртмалар берилишига сабаб бўлди. Бунинг натижаси ўлароқ, Ўзбекистон Республикаси Президентининг қарор, фармон ва фармойишлари тўпламлари, Олий Мажлис ва Вазирлар Маҳкамаси томонидан қабул қилинган қонун ва қарорлар тўпламлари, Ўзбекистон Фанлар Академияси Фалсафа ва ҳуқуқ институти олимлари билан ҳамкорликда “Юридик атамалар ва иборалар” тўплами нашр этилди.

Олий ўқув юртлари, академик лицей ва касб-ҳунар коллежлари, умумтаълим мактаблари учун ҳуқуқшуносликка оид қатор дарслик ва ўқув қўлланмалари яратилди. И.Рамазонов ва Э.Мўминовларнинг “Политалогия”, И.Зокировнинг “Фуқаролик ҳуқуқи” (I, II қисмлари), А.Маматқуловнинг “Халқаро ҳуқуқ”, муаллифлар жамоасининг “Жиноят ҳуқуқи”, Р.Қаюмовнинг “Конституциявий ҳуқуқ”, З.Исломовнинг “Давлат ва ҳуқуқ назарияси”, А.Саидовнинг икки жилдли “Халқаро ҳуқуқ”, муаллифлар жамоасининг “Административное право” сингари дарслик ва ўқув қўлланмалари шулар жумласидандир. 

Нашриёт ўз фаолиятини кенгайтириш мақсадида халқаро ташкилотлар билан ҳамкорликда ҳуқуқий адабиётлар чиқаришга алоҳида эътибор қаратиб келмоқда. БМТнинг Ўзбекистондаги ваколатхонаси, БМТнинг Ўзбекистондаги Тараққиёт Дастури, Тинчлик корпуси, ЮНЕСКО, Халқаро Қизил Ярим ой жамияти, Халқаро ҳамкорлик бўйича Германия жамияти (GIZ), Халқаро ҳуқуқий ҳамкорлик бўйича Германия фонди (IRZ), чет мамлакатларнинг юртимиздаги элчихоналари ва бошқа ташкилотлар билан ҳамкорликда “Узбекистан и международные договора по правам человека”, “Инсон ҳуқуқлари декларацияси”, “Конституция ва биз”, “Болалар ҳуқуқи”, “Халқаро инсонпарварлик ҳуқуқи”, “Шарқ цивилизацияси”, “Вояга етмаганлар жиноий жавобгарлиги: Ўзбекистон ва Германия қонунчилиги”, “Вопросы систематизации законодательства и ведения его систематизированного учета с применением элекронных баз данных”, “Актуальные вопросы разработки проекта Кодекса Республики Узбекистан об административной ответственности в новой редакции в контексте международного сотрудничество” китобининг I ва II қисмлари, “Международный коммерческий арбитраж”, “Интеллектуал мулк ҳуқуқи: ривожлантириш истиқболлари”, “Ўзбекистон Республикасининг Олий Мажлис, Халқ депутатлари кенгашлари ва сиёсий партиялар фаолиятига оид қонунлари”, “Сайловга оид норматив-ҳуқуқий ҳужжатлар тўплами” сингари китоблар нашр этилди. Бугунги кунда ҳам бу анъана давом этмоқда.

БУГУНГИ КУН

Мустақиллик йилларида мамлакатимиз аҳолисини ҳуқуқий адабиётлар билан таъминлаш ва миллий қонунчилигимизни такомиллаштиришга “Адолат” нашриёти ўзининг муносиб ҳиссасини қўшиб келмоқда.

Ўзбекистон Республикасининг барча норматив-ҳуқуқий ҳужжатлари кодекс, қонун ҳужжатлари тўпламлари, рисола ва бошқа кўринишларда эълон қилиниб келинмоқда. Жумладан, “Адолат” нашриёти томонидан Республикамиз Раҳбариятининг ташаббуси билан “Ўзбекистон юридик энциклопедияси” яратилди ва 20 минг нусхада нашр этилиб тарқатилди, барча кодекслар ягона шакл ва андозада доимий равишда қонунчиликдаги сўнгги ўзгартиш ва қўшимчалар билан, турли соҳаларга оид норматив-ҳуқуқий ҳужжатлар тўпламлари кўп минг нусхада нашр этилиб келинмоқда. 

Шунингдек, “Ўзбекистон Республикасининг Давлат байроғи тўғрисида”ги, “Ўзбекистон Республикасининг Давлат герби тўғрисида”ги, “Ўзбекистон Республикасининг Давлат мадҳияси тўғрисида”ги Қонунларини ўзида жамлаган “Ўзбекистон Республикасининг Давлат рамзлари тўғрисидаги қонунлари” номли тўплам 50 минг нусхада, муҳтарам юртбошимиз И.А. Каримовнинг Ўзбекистон Республикаси Олий Мажлиси Қонунчилик палатаси ва Сенатининг қўшма мажлисидаги “Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси” ҳамда Ўзбекистон Республикаси Конституцияси қабул қилинганлигининг 18 йиллигига бағишланган тантанали маросимдаги маърузаси асосида тайёрланган 9 номдаги ўқув-услубий мажмуалар жамланмаси 20 минг нусхада, “Никоҳланувчиларга ҳуқуқий психологик қўлланма” китоби 26 минг нусхада нашр этилиб тарқатилди.

Таъкидлаш ўринлики, “Адолат” нашр белгиси билан чоп этилаётган Ўзбекистон Республикасининг кодекслари, қонун ҳужжатлари тўпламлари ва бошқа норматив-ҳуқуқий ҳужжатлар малакали мутахассислар томонидан таҳрир ва таҳлил қилиниб, расмий манбаларга асосланган ҳолда чоп этилганлиги боис, энг ишончли расмий манба ҳисобланади.

“Адолат” нашриёти 2009 йилдан бошлаб норматив-ҳуқуқий ҳужжатлар эълон қилинадиган расмий манба – “Ўзбекистон Республикаси қонун ҳужжатлари тўплами” – “Собрание законодательства Республики Узбекистан” ҳамда “Ўзбекистон Республикаси халқаро шартномалари тўплами” – “Сборник международных договоров Республики Узбекистан” даврий нашрларини ҳам чоп эта бошлади, бу эса ўз навбатида нашриётнинг норматив-ҳуқуқий ҳужжатларни нашр қилишда нечоғли ишончли ҳуқуқий манбаларга эга эканлигидан далолат беради.

Нашриёт меҳнат жамоаси ҳар доим янгиликка интилиб келган ва улкан марраларни қўлга киритиш мақсади билан меҳнат қилмоқда. “Адолат” нашриёти томонидан 2012 йилда Ўзбекистон Республикасининг Жиноят, Жиноят-ижроия, Солиқ, Оила, Уй-жой, Шаҳарсозлик кодекслари, Гражданский кодекс Республики Узбекистан, Налоговый кодекс Республики Узбекистан, Ўзбекистон Республикасининг Фуқароларнинг мурожаатлари тўғрисидаги қонуни, “Нотариатга оид норматив-ҳуқуқий ва бошқа ҳужжатлар тўплами”, “Давлат ва ҳуқуқ асослари фанидан олимпиада иштирокчилари учун ўқув қўлланма”, “Суд экспертизасига оид айрим норматив-ҳуқуқий ҳужжатлар”, “Актуальные вопросы разработки проекта Кодекса Республики Узбекистан об административной ответственности в новой редакции в контексте международного сотрудничество” (I ва II қисмлар), Ўзбекистон Республикаси Олий Мажлиси Қонунчилик палатаси ҳамда Бирлашган Миллатлар Ташкилотининг Ўзбекистондаги Тараққиёт Дастури билан ҳамкорликда “Ўзбекистон Республикасининг Бюджет қонунчилиги” ва “Бюджетное законодательствоРеспублики Узбекистан”, Халқаро ҳамкорлик бўйича Германия жамияти (GIZ) билан ҳамкорликда “Международный коммерческий арбитраж”, Фуқаролик жамияти шаклланишини мониторинг қилиш мустақил институти билан ҳамкорликда “Ўзбекистон Республикасининг Олий Мажлис, Халқ депутатлари Кенгашлари ва сиёсий партиялар фаолиятига оид қонунлари”, А. Раҳмоновнинг “Маънавий-экологик дахлсизлик ва ижтимоий адолат” китоблари нашр этилди. 

“Адолат” нашриёти ташкил этилгандан буён ўтган давр мобайнида 600 дан ортиқ номланишда қарийб 8000 босма табоқдан иборат 8 000 000 нусхадан ортиқ Ўзбекистон Республикасининг қонунлари, кодекслари, норматив-ҳуқуқий ҳужжатлар, ҳуқуқшуносликнинг турли соҳаларига оид илмий, илмий-оммабоп адабиётлар, дарслик, ўқув қўлланмалари ва бошқа адабиётларни нашр этиб, тарқатди.

Биргина 2009-2012 йилларда 550 мингга яқин нусхада ҳуқуқий адабиётлар нашр этилиб, республикамиз ҳуқуқни муҳофаза этувчи органлари, судлар, олий ўқув юртлари профессор ўқитувчилари, талабалари, давлат бошқаруви ва маҳаллий давлат ҳокимияти органлари, корхона, ташкилот ва муассасалар, фуқароларнинг ўзини ўзи бошқариш органлари ҳамда аҳолига етказиб берилди. 

Нашриёт вазирликлар, давлат қўмиталари, идоралар ҳамда давлат бошқаруви ва маҳаллий давлат ҳокимияти органлари, корхона, ташкилот ва муассасалар билан ҳамкорлик алоқаларини йўлга қўйган бўлиб, уларнинг буюртмалари асосида китобларни таҳрир қилиш ва чоп этиш хизматларини ҳам кўрсатиб келмоқда.

“Адолат” нашриёти давлат корхонаси томонидан чоп этилаётган расмий нашрларни кўплаб хорижий давлатларга, жумладан Россия Федерацияси, Украина, Белорусь, Молдова, Қозоғистон, Қирғизистон, Туркманистон ва Тожикистон Республикаларига жўнатилиши, ўз навбатида, ушбу хорижий давлатлардан ҳам расмий нашрлар келиб тушиши ва кенг миқёсда ахборот алмашуви йўлга қўйилган.

2010 йилдан бошлаб нашр этилиши режалаштирилган адабиётларга давлат бошқаруви ва маҳаллий давлат ҳокимияти органлари, вазирликлар, идоралар, давлат қўмиталари, корхона, ташкилот, муассасалар, ҳуқуқни муҳофаза этувчи органлар, судлар ҳамда фуқароларнинг ўзини-ўзи бошқариш органлари ва аҳолининг эҳтиёжларини ўрганиш мақсадида уларга кенг миқёсда хатлар юбориш ва таклифларни умумлаштириш асосида адабиётларнинг умумий ададини белгилаш амалиёти йўлга қўйилган ва бу борада тегишли тизим яратилган.

Нашр этилган китобларни тезкорликда тарқатиш ишларини самарали йўлга қўйиш мақсадида улар билан доимий ҳамкорлик олиб борилмоқда.

Адлия вазирлигининг 2012 йил декабрдаги вазирликлар, идоралар, давлат қўмиталари, ҳуқуқни муҳофаза этувчи органлар ва судлар билан ҳамкорлик меморандуми ижросини таъминлаш мақсадида “Адолат” нашриёти барча ҳамкорларнинг ҳуқуқий тарғибот тадбирларида ўзининг китоб ва журнал маҳсулотлари кўргазмаси билан фаол иштирок этиб, Ўзбекистон Республикасининг қонунлари, кодекслари, норматив-ҳуқуқий ҳужжатлари ҳамда уларга киритилган ўзгартиш ва қўшимчаларни, шунингдек турли мазмундаги ҳуқуқий адабиётларни кенг жамоатчиликка етказилишида ва уларнинг мазмун-моҳиятини тушунтириш, жамиятда ҳуқуқий онг ва ҳуқуқий маданиятни юксалтириш ишларига ўзининг хиссасини қўшиб келмоқда.

Шунингдек, чоп этилаётган адабиётларни кенг тарғиб-ташвиқ этиш мақсадида ноширлик маҳсулотлари умуммиллий ва халқаро кўргазмаларида, пойтахтимиздаги “Ўзэкспомарказ” кўргазмалар марказида ўтказиладиган аксарият кўпчилик тадбирларда ўзининг китоб ва журнал маҳсулотлари кўргазмаси билан мунтазам иштирок этиб келмоқда.

Бундан ташқари, Ўзбекистон Республикаси Олий Мажлиси Сенати ва Қонунчилик палаталарининг йиғилишларида, давлат бошқаруви ва маҳаллий давлат ҳокимияти органлари, вазирликлар, идоралар, давлат қўмиталари томонидан ўтказиладиган халқаро анжуманларда, Мудофаа вазирлиги тизимидаги ҳарбий қисмларда, Тошкент шаҳри ва вилоятлардаги олий ва ўрта махсус таълим муассасаларида, касб-хунар таълими масканларида ўтказиладиган ҳуқуқий тарғибот тадбирларида нашриёт томонидан чоп этилган адабиётларнинг сайёр кўргазмалари мунтазам равишда ташкил этилиб келинмоқда.

Нашриёт меҳнат жамоаси мамлакатимизда аҳолининг ҳуқуқий саводхонлиги ва маданиятини ошириш, қонун устуворлигини таъминлаш, жиноятчиликнинг олдини олишга қаратилган тадбирларда фаол иштирок этиб келмоқда. Биргина охирги уч йил мобайнида 400 дан ортиқ турли мавзудаги ҳуқуқий тарғибот тадбирлари ўтказилган бўлиб, уларнинг 200 га яқини оммавий ахборот воситалари орқали ёритиб борилган.

2010 йилда “Адолат” нашриётининг www.adolatnashr.uz расмий веб-сайти ишга туширилиб, мазкур веб-сайтда ҳуқуқий тарғиботга оид мақолалар ва янгиликлар мунтазам ёритилиб келинмоқда.

Адлия вазирлиги томонидан ҳуқуқий маърифатни тарғиб этиш борасида 2011 йилда ўтказилган “Энг яхши ҳуқуқ тарғиботчиси” танловида нашриёт муҳаррири Г. Ортиқхўжаева муносиб иштирок этиб, “Ҳуқуқий тарғиботни ташкил қилишдаги яқин ҳамкорлиги учун” номинацияси ғолиблигига лойиқ деб топилди.

“Адолат” нашриёти фаолиятини кенг тарғиб-ташвиқ этиш, нашриёт томонидан амалга оширилган ижобий ишлар билан давлат бошқаруви ва маҳаллий давлат ҳокимияти органлари, вазирликлар, идоралар, давлат қўмиталари, ҳуқуқни муҳофаза этувчи органлар ҳамда жамоатчиликни хабардор этиш мақсадида 2012 йил 26 январда Адлия вазирлигида Ўзбекистон Республикаси Олий Мажлиси Сенати, Қонунчилик палатаси, Конституциявий суди, Олий суди, Олий хўжалик суди, Бош прокуратураси, Марказий сайлов комиссияси, Инсон ҳуқуқлари бўйича Ўзбекистон Республикаси Миллий маркази, қатор вазирликлар, идоралар, давлат қўмиталари раҳбарлари ва ходимлари, “Адолат” нашриёти фахрийлари иштирокида “Ҳуқуқий адабиётлар – суд-ҳуқуқ ислоҳотларининг манбаидир” мавзусида илмий-амалий конференция ўтказилди. Нашриёт ташкил этилганлигининг 20 йиллигига бағишланган мазкур тадбир муносабати билан нашриёт фаолиятини акс эттирувчи фотоальбом тайёрланиб, “Адолат” нашриёти – ҳуқуқий адабиётлар маскани” номли журнал нашр этилиб, тарқатилди.

Ўзбекистон Республикаси Мустақиллигининг 20 йиллиги байрами муносабати билан хизмат бурчини намунали ижро этиб келаётганлиги ҳамда самарали меҳнати, қонун ижодкорлиги ва ҳуқуқни қўллаш соҳасини ривожлантиришга қўшаётган ҳиссаси учун нашриёт бош ҳисобчиси
Л. Закирова, девонхона мудири – кадрлар инспектори М. Алимоваларга “Ўзбекистон Республикаси Мустақиллигига 20 йил” кўкрак нишони, вазирлик тизимида узоқ йиллар меҳнат қилган, ҳозирги кунда ҳам нашриётнинг узтоз-шогирдлик анъаналарини давом эттириб, ёш ходимларга ҳуқуқий адабиётларни нашрга тайёрлаш билан боғлиқ катта масъулият ва жиддий эътибор талаб этадиган ноширлик сир-асрорларини ўргатиб келаётган нашриёт фаҳрийси Ўзбекистон Республикасида хизмат кўрсатган юрист М. Мирсамадовга Адлия вазирининг табрикномаси топширилди.

Нашриёт ходимлари бугунги кун талабларини хис этган ҳолда замонавий ноширлик имкониятларидан кенг фойдаланиб, ўтган йиллар мобайнида шаклланган ўзига хос анъаналарни давом эттирган ҳолда аҳолининг ҳуқуқий онги ва маданиятини янада юксалтиришга қаратилган туркум адабиётларни нашр этиш ҳамда нашриёт фаолиятини ривожлантириш йўлида чуқур изланмоқдалар. 

www.adolatnashr.uz

“Инсон ва қонун” ҳуқуқий газетаси

“Инсон ва қонун” ҳуқуқий газетаси

Раҳбар: Норқобилов Норқўчқор Рахматович

Телефон:
(0371) 233-44-53

Факс:
(0371) 233-44-23

Веб-сайт:
www.insonvaqonun.uz

Манзил:
Тошкент шаҳри, Сайилгох кўчаси, 35-уй

e-mail:
insonvaqonun@minjust.gov.uz

Бугун матбуот имкони шу қадар кенгайиб кетдики, газета журналлар, радио, телевидениени-ку қўяверинг, электрон нашрлар, интернет, ҳатто мобиль алоқа ҳам ахборот тарқатишга даъво қила бошлади. Лекин булар босма нашрларнинг жозибасини, ҳаётий позициясини пасайтира олмайди. Бу нашрларга омма барибир эҳтиёж сезаверади. Негаки, глобаллашув жараёни одамлардаги матбуотга қизиқишини, унга бўлган интилишини ошираверади.

Мустақиллик нафақат жамият ҳаётида, балки одамлар онгу шуурида ҳам янгиланиш ва уйғониш даврини бошлаб берди. Бугунгача газета журналлар сони 1300тагаяқинлашиб қолди. Қатрада ҳаёт акс этганидек, бу нашрлар мамлакат, одамлар ҳаётидаги муҳим ўзгаришларни ёритиб бормоқда. Мамлакатда босқичма-босқич амалга оширилаётган демократик жараёнлар ҳам босма нашрлар саҳифаларида ўз аксини топмоқда.

“Инсон ва қонун” ҳам ана шу ҳаётий эҳтиёж самараси ўлароқ юзага келган нашрлардан бири.

Республика Вазирлар Маҳкамасининг 1992 йил 12 апрелдаги 523-сонли “Ўзбекистон Республикаси Адлия вазирлиги фаолиятини такомиллаштириш масалалари тўғрисида”ги қарорига асосан вазирлик муассислигида 1993 йилнинг 10 ноябридан “Ҳаёт ва қонун” юридик журнали чоп этила бошланди. 1995 йилдан ахборот алмашинувини тезлаштириш зарурати муносабати билан “Инсон ва қонун” газетаси ҳам ҳаёт юзини кўрди. Газета қисқа фурсат ичида мамлакат Конституцияси, қонунлар, меъёрий ҳужжатлар моҳияти, мақсади, амалий-назарий ва сиёсий-ҳуқуқий жиҳатларини тарғиб қилиш ҳамда аҳолининг ҳуқуқий онги ва ҳуқуқий маданиятини шакллантиришга хизмат қиладиган оммабоп нашрга айланди.

Кейинги йилларда газета мундарижаси бутунлай ўзгарди. Янги-янги номлар, янги-янги рукнлар билан тинимсиз бойиди. Инсон ҳуқуқлари ҳимояси, фуқаролик жамиятини мустаҳкамлаш борасидаги қилинаётган улуғвор ишлар газетанинг асосий мавзусига айланди. Бу саъй-ҳаракат ўз навбатида омма орасида газетанинг обрў-эътибори ошиши, мухлислари сони ортишига олиб келди. Бунга таҳририят мустаҳкам моддий техник базага эгалиги ҳамда барча ходимларнинг замонавий ахборот коммуникация технологиялари воситалари билан таъминлангани ёрқин мисол бўлади. Таҳририят кейинги 5 йил ичида салмоқли ютуқларга эришди.

Таъкидлаш лозимки, газетанинг адади кескин кўтарилди. 2007 йилнинг январида газета 7500 нусхада чоп этилган бўлса, 2008 йил январда 12988 та, 2009 йилнинг ўша ойида 21289 та, 2010 йил январда 20019 та, 2011 йил январда эса 21501 та босилган. 2012 йилда бу борадаги кўрсаткичлар салмоғи янада ортди: март ойида газета адади 24870 нусхага етди. Ҳозирда салкам 25000 нусхада чоп этилмоқда.

Шу ўринда газета мухбирларининг Ўзбекистон Республикаси Мустақиллигининг 20 йиллиги олдидан хорижий давлатларнинг мамлакатимиздаги Фавқулодда ва Мухтор элчиларидан олган интервьюлари, улар томонидан билдирилган фикрлар чоп қилинганлиги ва бу халқаро доираларда юксак эътироф этилганлигини айтиб ўтмасак бўлмайди. Айнан шундай интервьюлар АҚШ, Буюк Британия, Малайзия, Франция, Хитой, Жанубий Корея, ГФР, Япония, Ҳиндистон, Азербайжан, Туркманистон элчиларидан уюштирилди.

Жамиятда ҳуқуқий онгни, ҳуқуқий маданиятни мустаҳкамлашга оид таҳлилий ва танқидий мақолалар кўп ўрин олаётгани айниқса қувонарли бўлмоқда.

Шуни алоҳида таъкидлаш жоизки, республика Адлия вазирлиги билан Олий Суд, Бош прокуратура, Ички ишлар вазирлиги ўртасидаги жамиятда ҳуқуқий онг ва ҳуқуқий маданиятни юксалтиришга, қонунийликни таъминлашга йўналтирилган ҳуқуқий тарғибот ишлари бўйича хамкорлик қилиш тўғрисидаги Меморандумнинг ижроси юзасидан ҳам кенг қамровли ишлар амалга оширилмоқда.

Шунингдек, аҳолининг репродуктив саломатлигини мустаҳкамлаш, она ва бола саломатлигини муҳофаза қилиш, вояга этмаганлар ўртасидаги назоратсизликларнинг олдини олишга оид ўнлаб мақолалар эълон қилинди. Шубҳасиз бу мақолаларнинг барчаси мамлакатимизда бу борадаги қонун ва қарорлар ижросини таъминлашга хизмат қилмоқда.Бундан ташқари, кичик бизнес ва хусусий тадбиркорликни ҳуқуқий жиҳатдан ҳимоя қилишга доир ҳукумат қарорлари ва Президент фармонлари ижроси юзасидан 2012 йилнинг биринчи чорагида 13 та ўткир мулоҳазали таҳлилий ва танқидий мақолалар чоп этилгани, баъзи жойларда тадбиркорлик субъектларида юзага келаётган ноқонуний тафтишларга зарба бўлиб хизмат қилди.

Оила жамият кўзларида порлаган қувонч, унинг муқаддас қўрғон эканлиги, уни асраб-авайлашга барчамиз бирдек масъул эканлигимиз ҳақида муаллифларнинг тўлқинланиб бонг ураётгани, маънавиятимизнинг нақадар юксак эканлигидан нишона. “Мустаҳкам оила йили” Давлат дастури ижроси юзасидан газетада мутахассисларнинг таҳлилий чиқишлари уюштирилмоқда. Гиёҳвандлик, ичкиликбозлик каби иллатларнинг оила муҳитига, ёш оилаларга ва келажак авлодга салбий таъсирига оид ҳаётий мисоллар билан “мих”ланган материаллар ҳам берилмоқдаки, булар албатта, хушёрликни оширишга туртки бўлиши шубҳасиз.

“Инсон ва қонун” газетасининг мамлакатимиз мустақиллиги кунига ҳамда “Наврўз” умумҳалқ байрамларига атаб махсус сонлари чоп этилиши кенг йўлга қўйилган. Узоққа бормайлик, биргина 2011 йил Наврўз байрамида 56 саҳифа, Мустақилликнинг 20 йиллигига атаб 104 саҳифа махсус сон ялтироқ (мелованний) қоғозда 4+4 рангда чоп этилган эди. 2012 йилги Наврўз айёмида эса 40 саҳифали махсус сон нашр этилди. Газета ҳамиша кенг омма билан мустаҳкам алоқа ўрнатиб ҳуқуқий тарғибот минбари бўлиб қолаверади.

“Инсон ва қонун” газетаси халқимизнинг ҳуқуқий маданиятини оширишда ва уларнинг ҳуқуқ ҳамда эркинликларини ҳимоя қилишда муайян ишларни амалга ошириб келмоқда. Газетада, бундан ташқари, экология, иқтисодиёт, парламент фаолияти юзасидан кўплаб долзарб мавзудаги мақолалар мунтазам чоп этилмоқда. Қонун лойиҳалари ва қабул қилинган қонунлар юзасидан мутахассисларнинг чиқишлари мунтазам уюштирилмоқда.

Жамоанинг мақсади улуғ, халқимизнинг ҳуқуқий маданиятини янада ошириш, мустақиллигимизни мустаҳкамлаш, келажаги буюк давлатни қуришдек улуғ ишга ўз ҳиссасини қўшишдан иборатдир.

Газета фаолияти билан яқиндан танишишингиз учун унинг интернетдаги қуйидаги манзили орқали веб-сайтига киришингиз мумкин.

www.insonvaqonun.uz

“Huquq va burch” ижтимоий-ҳуқуқий журнали

“Huquq va burch” ижтимоий-ҳуқуқий журнали

Раҳбар: Наханов Жахонгир Атаярович

Телефон:
(0371) 233-62-65

Факс:
(0371) 233-12-10

Веб-сайт:
www.huquqburch.uz

Манзил:
Тошкент шаҳри, Буюк ипак йўли кўчаси, 1-уй

e-mail:
info@huquqburch.uz

Мамлакатимизда ҳуқуқий демократик давлат, очиқ фуқаролик жамиятини шакллантириш бўйича олиб борилаётган ислоҳотларни чуқурлаштиришнинг ғоят муҳим шарти Президентимиз таъбири билан айтганда, аҳолининг ижтимоий, сиёсий фаоллигини оширишдан, давлат ва жамият бошқарувида фуқароларнинг фаол иштирокидан иборатдир.

Ушбу вазифаларни амалга оширишда аҳолининг ҳуқуқий саводхонлиги, сиёсий маданиятини оширишга, фуқаролар учун хилма-хил ҳуқуқий ахборотлардан кенгроқ фойдаланиш имкониятини яратишга, шунингдек, давлат-ҳуқуқий ва суд тизимини такомиллаштиришнинг долзарб муаммоларини ҳал этишга кўмаклашиши лозим бўлган ҳуқуқий даврий нашрлар муҳим роль ўйнайди.

Давлат-ҳуқуқий ва суд тизими, қонунчилик ва ҳуқуқни қўллаш амалиётини такомиллаштириш, фуқароларнинг ҳуқуқий саводхонлигини оширишнинг долзарб муаммоларини ҳал этишда юридик журналлар ролини кучайтириш мақсадида 2005 йил 18 октябрда давлатимиз раҳбарининг “Ўзбекистон Республикасида юридик журналлар тизимини янада ривожлантириш чора-тадбирлари тўғрисида”ги 203-сонли қарори эълон қилинди. Ушбу тарихий ҳужжатга мувофиқ Ўзбекистон Адлия вазирлиги, Бош прокуратураси, Конституциявий суди, Олий суди, Олий хўжалик суди муассислигида “HUQUQ va BURCH” ижтимоий-ҳуқуқий журнали таъсис этилди.

Юқорида таъкидланган қарор ижросини таъминлаш мақсадида бошланган амалий ишларнинг самараси сифатида 2006 йил март ойида “HUQUQ va BURCH” ижтимоий-ҳуқуқий журналининг илк сони нашрдан чиқди ва шундан буён у республикамизда давлат ва жамият қурилишининг сиёсий-ҳуқуқий масалалари, қонун ижодкорлиги фаолияти каби масалаларни ёритиб келмоқда.

Бугунги кунда журнал ойда бир марта, А4 бичимда, 64 саҳифада чоп этилмоқда. Таҳририятга муассислар томонидан тайинланадиган Бош муҳаррир раҳбарлик қилади. Ҳозир Ижтимоий-сиёсий ва қонунчилик тарғиботи, Суд-ҳуқуқ органлари фаолияти, Хатлар ва жамоатчилик билан алоқалар, Обуна, ишлаб чиқариш ва экспедиция, Маркетинг ва хўжалик ишлари бўлимлари фаолият кўрсатмоқда.

Журнал адлия, прокуратура ва суд ходимлари, олимлар, мутахассислар, ўқитувчилар, олий ва ўрта махсус юридик ўқув муассасалари талабалари, мактаб, лицей, коллежлар ўқувчилари, шунингдек, ҳуқуқшунослик билан қизиқувчи шахсларнинг кенг доираси учун мўлжалланган.

Таҳририят ўз журналистлари ва бошқа ходимларининг сиёсий, ҳуқуқий, маънавий ва касбий салоҳиятини узлуксиз равишда ошириш, мамлакатда амалга оширилаётган сиёсий, ижтимоий-иқтисодий ислоҳотларнинг, давлат-ҳуқуқий, суд-ҳуқуқ тизимини демократлаштириш ва либераллаштириш жараёнларининг моҳиятини, вазифаларини чуқур англайдиган юқори малакали кадрлар қилиб тарбиялаш, журналист кадрлар билан комплекс, системали ишлаш, иқтидорли ёшлар, ҳуқуқий журналистика соҳасида юқори малакага эга бўлган тажрибали ходимларни журнал фаолиятига жалб этиш борасида тегишли тадбирларни амалга ошириб келмоқда.

Албатта, таҳририятда ташкилий ишларни жой-жойига қўйиш, шаклланиш босқичлари учун муайян вақт талаб этилди. Авваллари журнал икки ойда бир марта қўшма сон тарзда нашр этилган бўлса, 2010 йилдан буён ҳар ойда чоп этилиб, ўқувчилар қўлига ўз вақтида етиб бормоқда. Агар нашримизнинг илк сонлари ўртача 2200 нусхада чоп этилган бўлса, бугунги кунга келиб унинг адади 13000 нусхадан ошиб кетди. Давлатимиз раҳбарининг 2005 йил 18 октябрдаги 203-сонли қарорида белгиланган 15000 нусхада чоп этилишини таъминлашга эришиш учун таҳририят ходимлари ва муассислар томонидан зарур чора-тадбирлар кўрилмоқда.

Шуни алоҳида таъкидлаш керакки, 2010 йилдан бошлаб журнал макетини янгилаш, журнал сайтини қайтадан ташкил этиш, жаҳон глобал ахборот тизимига интеграциялашиш борасида катта ишлар амалга оширилди. Хусусан, журналнинг янги қиёфаси яратилди. Ундаги шрифтларнинг қўлланиши, суратлар, қисқа маълумотлар, сарлавҳалар берилиши замонавий матбаа талаблари даражасига кўтарилди. Натижада журнал янада ўқишли, кўриниши эътиборни тортадиган қиёфа касб этди. Дизайнни янгилашда илғор ахборот технологиялари имкониятларидан самарали фойдаланишга ҳаракат қилинди.

Кейинги йилларда журнал саҳифаларида “Ҳуқуқ ва бурч” жавоб беради”, “Тергов амалиёти”, “Суд очерки”, “Сарҳадлар оша”, “Ҳуқуқий тафаккур”, “Детектив”, “Нотариус ҳузурида”, “Концепция: устувор вазифлар” каби янги рукнлар ташкил этилди. “Адлия органлари фаолияти”, “Прокуратура органлари фаолияти”, “Парламент фаолияти”, “Депутат минбари”, “Қонун моҳияти”, “Хўжалик ҳуқуқи”, “Долзарб мавзу”, “Тадқиқот, таҳлил, таклиф” каби рукнларда чоп этилаётган материаллар савиясини кўтаришга эришилди. “Тергов амалиёти” рукни остида берилган материалларда фуқароларнинг тергов билан боғлиқ саводхонлигини ошириш, уларни тергов жараёнининг ҳуқуқий асослари билан яқиндан таништириш, ёш терговчиларга тавсиялар бериш билан бир қаторда тергов пайтидаги ҳимоянинг ўзига хос хусусиятлари ёритиб борилмоқда.

Муштарийлар билан алоқаларни мустаҳкамлаш таҳририятнинг доимий эътиборидаги масалалардан биридир. Шу мақсадда “Ҳуқуқ ва бурч” жавоб беради”, “Хатларга шарҳ” каби махсус рукнлар ташкил этилган бўлиб, уларда ўқувчиларни қизиқтирган саволларга тегишли мутахассислар томонидан тайёрланган жавоблар, ҳуқуқий маслаҳатлар чоп этилмоқда.

Жамоатчилик билан алоқаларни мустаҳкамлаш, фуқароларнинг мурожаатлари билан ишлашда масъулиятни кучайтириш мақсадида таҳририятда 2009 йилда Хатлар ва жамоатчилик билан алоқалар бўлими ташкил этилди.

Ўзбекистон мустақиллигининг 20 йиллиги муносабати билан журналнинг махсус сони чоп этилди. Унда ўтган йиллар давомида Ўзбекистонда жамиятнинг барча 

соҳаларида амалга оширилган ишлар, ислоҳотлар ҳақида ранг-баранг материаллар, бетакрор ватанимизнинг бугунги ҳаёти ҳақида ҳикоя қилувчи сурат-лавҳалар эълон қилинди.

Мухтасар қилиб айтганда, “HUQUQ va BURCH” ижтимоий-ҳуқуқий журнали мамлакатимизни демократик янгилаш ва модернизациялаш, айниқса, суд-ҳуқуқ тизимида амалга оширилаётган ислоҳотлар мазмун-моҳиятини аҳолига етказиш, фуқароларимизнинг ҳуқуқий онги ва саводхонлигини ошириш, уларни ислоҳотларнинг фаол иштирокчисига айлантириш борасида фаолият кўрсатиб келмоқда.

Журнал фаолияти билан яқиндан танишишингиз учун унинг интернетдаги қуйидаги манзили орқали веб-сайтига киришингиз мумкин.

www.huquqburch.uz