Вазирлик ҳақида Вазирлик фаолияти Интерактив хизматлар Вазирликка мурожаат қилиш Халқаро ҳамкорлик Қонунчилик Нашрлар ва мақолалар Вазирлик кутубхонаси

Вазирлик ҳақида

Алоқа учун маълумотлар

Агар Сизнинг қонуний ҳуқуқларингиз бузилган бўлса, ўйланмасдан Адлия вазирлиги ёки унинг ҳудудий бошқармалари Ишонч телефонларига қўнғироқ қилинг.

map
Ишонч телефони
1008
Тошкент, 100047, Сайилгоҳ кўчаси, 5
Девонхона: (0371) 233-13-05
Фуқароларни қабул қилиш ва мурожатлар бўлими: (0371) 236-26-10
Факс: (0371) 233-48-44
info@minjust.gov.uz

Вазир ва ўринбосарлар

Ўзбекистон Республикаси Адлия вазири

Икрамов Музраф Мубaракходжаевич – 1973 йил 14 сентябрда Тошкент шаҳрида туғилган. Маълумоти-олий, ҳуқуқшунос.

1995 йил Тошкент давлат юридик институтини, 2007 йил Ўзбекистон Республикаси Президенти ҳузуридаги давлат ва жамият қурилиши академиясини тугатган.

Меҳнат фаолиятини 1995 йилда Адлия вазирлиги иқтисодий ислоҳот бўйича қонунчилик ва меъёрий ҳужжатлар лойиҳаларини тайёрлаш ҳамда ҳуқуқий экспертиза қилиш бошқармаси катта маслаҳатчиси лавозимидан бошлаган. Кейинчалик мазкур бошқарманинг бош маслаҳатчиси лавозимида фаолият юритган.

1997-2003 йилларда Адлия вазирлиги идоравий меъёрий ҳужжатларни давлат рўйхатидан ўтказиш бошқармаси бўлим бошлиғи, бошқарма бошлиғи, Қонунчилик бош бошқармаси бошлиғи вазифасини бажарувчиси, 2003-2008 йилларда Адлия вазирлиги Қонунчилик бош бошқармаси бошлиғи – вазирлик ҳузуридаги Ҳуқуқий ахборот билан таъминлаш маркази раҳбари, 2008-2012 йилларда Ўзбекистон Республикаси Вазирлар Маҳкамаси ҳуқуқий экспертиза ва халқаро шартномалар бошқармаси ҳуқуқий экспертиза бўлими мудири, 2012-2013 йилларда Ўзбекистон Республикаси Президенти Девони Олий Мажлис, сиёсий ва жамоат ташкилотлари билан ҳамкорлик қилиш хизмати Ўзбекистон Республикаси Олий Мажлис Сенати ва Қонунчилик палатаси тузилмалари билан фаолиятни мувофиқлаштириш бўйича шўъба мудири, 2013-2015 йилларда Ўзбекистон Республикаси Адлия вазирининг биринчи ўринбосари лавозимларида фаолият кўрсатган.

Ўзбекистон Республикаси Президентининг 2014 йил 25 августдаги Фармонига асосан М.Икрамов “Ўзбекистон Республикасида хизмат кўрсатган юрист” фахрий унвонига сазовор бўлган.

Ўзбекистон Республикаси Президентининг 11.02.2015 йилдаги Фармони билан М.Икрамов Ўзбекистон Республикаси Адлия вазири этиб тайинланган.

Фуқароларни қабул қилиш ҳафтанинг жума куни соат 15.00 дан 17.00 гача.

Телефон: (0371)233-39-04


Ўзбекистон Республикаси Адлия вазирининг биринчи ўринбосари

Жўраев Нодиржон Савриддинович — 1981 йил 6 январда Бухоро вилояти, Ғиждувон туманида туғилган. Маълумоти-олий, ҳуқуқшунос.

2001 йил Тошкент давлат юридик институтини (бакалавр), 2006 йил Тошкент давлат юридик институтини (магистратура) тамомлаган.

Меҳнат фаолиятини 2001 йилда Ўзбекистон Республикаси Адлия вазирлиги Идоравий меъёрий ҳужжатларни давлат рўйхатидан ўтказиш бошқармасининг катта маслаҳатчиси лавозимидан бошлаган. Кейинчалик мазкур бошқарманинг бош маслаҳатчиси лавозимида фаолият юритган.

2003–2006 йилларда Ўзбекистон Республикаси Адлия вазирлиги Қонун ҳужжатларини туркумлаш ва ҳуқуқий ахборот бошқармасининг бўлим бошлиғи, 2006–2007 йилларда Ўзбекистон Республикаси Адлия вазирлиги ҳузуридаги Норматив-ҳуқуқий ҳужжатларнинг амалга оширилиши устидан мониторинг қилиш марказининг етакчи маслаҳатчиси, бош маслаҳатчиси, бўлим бошлиғи, 2007–2008 йилларда Ўзбекистон Республикаси Адлия вазирлиги Иқтисодий қонунчилик бошқармасининг бошлиғи, 2008-2014 йилларда Ўзбекистон Республикаси Адлия вазирлиги Қонунчилик бош бошқармасининг бошлиғи, 2014-2016 йилларда Ўзбекистон Республикаси Олий суди ҳузуридаги Суд қонунчилигини демократлаштириш ва либераллаштириш ҳамда суд тизими мустақиллигини таъминлаш бўйича тадқиқот марказининг директори, 2016-2017 йилларда Ўзбекистон Республикаси Адлия вазирининг ўринбосари лавозимларида фаолият кўрсатган. 

Ўзбекистон Республикаси Президентининг 2012 йил 27 августдаги Фармонига асосан Н.Жўраев “Шуҳрат” медали билан мукофотланган. 

Ўзбекистон Республикаси Президентининг 19.04.2017 йилдаги ПҚ-2904-сон Қарори билан Н.Жўраев Ўзбекистон Республикаси Адлия вазирининг биринчи ўринбосари этиб тайинланган. 

Фуқароларни қабул қилиш ҳафтанинг душанба куни соат 15.00 дан 17.00 гача.

Телефон: (0371)233-35-98


Ўзбекистон Республикаси Адлия вазирининг ўринбосари

Усманов Анвар Акрамович — 1962 йил 10 октябрда Тошкент шаҳрида туғилган. Маълумоти-олий, ҳуқуқшунос.

1989 йил Тошкент давлат универститетини тамомлаган.

Меҳнат фаолиятини 1980 йилда Тошкент шаҳар судининг суд мажлиси котиби лавозимидан бошлаган. 1980–1982 йилларда Армия сафида ҳарбий хизматда, 1983–1986 йилларда Тошкент шаҳар судининг хат ташувчиси, суд мажлиси котиби, 1986–1991 йилларда Ўзбекистон Республикаси Адлия вазирлигининг маслаҳатчиси, статисти, катта маслаҳатчиси, 1991–1996 йилларда Тошкент шаҳар Учтепа туман судининг судьяси, 1996–1997 йилларда Тошкент шаҳар адлия бошқармасининг катта маслаҳатчиси, 1997–2001 йилларда Ўзбекистон Республикаси Адлия вазирлигининг катта маслаҳатчиси, бош маслаҳатчиси, бўлим бошлиғи, бошқарма бошлиғи, 2001–2002 йиларда Ўзбекистон Республикаси Адлия вазирлиги ҳузуридаги Суд қарорларини ижро этиш, судлар фаолиятини моддий-техника жиҳатдан ва молиявий таъминлаш Департаменти директорининг ўринбосари, 2002–2003 йилларда Ўзбекистон Республикаси Президенти Девони Ҳуқуқни муҳофаза қилувчи ва назорат идоралари фаолиятини мувофиқлаштириш бўйича Давлат маслаҳатчиси хизматининг инспектори, 2003–2008 йилларда жиноят ишлари бўйича Тошкент шаҳар Олмазор туман судининг раиси, 2008–2011 йилларда жиноят ишлари бўйича Шайхонтохур туман судининг раиси, 2011 йилда Ўзбекистон Республикаси Конституциявий судининг судьяси лавозимларида фаолият кўрсатган.

Ўзбекистон Республикаси Президентининг 02.08.2011 йилдаги ПҚ-1592-сон Қарори билан А.Усманов Ўзбекистон Республикаси Адлия вазирининг ўринбосари этиб тайинланган.

Фуқароларни қабул қилиш ҳафтанинг сешанба куни соат 15.00 дан 17.00 гача.

Телефон: (0371)232-13-20


Ўзбекистон Республикаси Адлия вазирининг ўринбосари

Ташкулов Акбар Джурабаевич - 1971 йил 21 сентябрда Жиззах вилояти Жиззах туманида туғилган. Маълумоти – олий, ҳуқуқшунос. 1994 йилда Тошкент давлат юридик институтини тамомлаган.

Меҳнат фаолиятини 1994-1995 йилларда Ўзбекистон Республикаси Адлия вазирлиги Халқаро-ҳуқуқий бошқармасининг катта маслаҳатчиси лавозимидан бошлаган.

1995-1997 йилларда Ўзбекистон Республикаси Адлия вазирлиги Қонунчилик ва меъёрий хужжатлар лойиҳаларини тайёрлаш ва ҳуқуқий экспертиза қилиш бошқармаси бош маслаҳатчиси, 1997-2000 йилларда Халқ хўжалигида ҳуқуқий ишлар бошқармасининг бўлим бошлиғи, 2000-2002 йилларда Қонун ҳужжатларини туркумлаш ва ҳуқуқий ахборот бошқармаси бошлиғи, 2002-2003 йилларда Халқ хўжалигида ҳуқуқий ишлар бошқармаси бошлиғи, 2003-2005 йилларда Хорижий инвестициялар ва хорижий инвестициялар иштирокидаги корхоналарни ҳуқуқий ҳимоя қилиш бошқармаси бошлиғи лавозимларида ишлаган. 2005-2013 йилларда Сурхондарё вилояти адлия бошқармаси бошлиғи, 2013-2017 йилларда Сирдарё вилояти адлия бошқармаси бошлиғи лавозимларида фаолият кўрсатган. 

Ўзбекистон Республикаси Президентининг 2015 йил 28 августдаги Фармонига асосан А.Ташкулов “Ўзбекистон Республикасида хизмат кўрсатган юрист” фахрий унвонига сазовор бўлган. 

Ўзбекистон Республикаси Президентининг 19.04.2017 йилдаги ПҚ-2905-сон Қарори билан А.Ташкулов Ўзбекистон Республикаси Адлия вазирининг ўринбосари этиб тайинланган. 

Фуқароларни қабул қилиш ҳафтанинг чоршанба куни соат 15.00 дан 17.00 гача. 

Телефон: (0371 )233-53-54


Ўзбекистон Республикаси Адлия вазирининг ўринбосари - Суд қарорларини ижро этиш, судлар фаолиятинимоддий-техника жиҳатдан ва молиявий таъминлаш департаменти директори

Каршиев Хамдам Аликулович — 1970 йил 29 сентябрда Қашқадарё вилояти, Шаҳрисабз туманида туғилган. Маълумоти-олий, ҳуқуқшунос.

1997 йил Тошкент давлат институтини тамомлаган.

Меҳнат фаолиятини 1987 йилда Қашқадарё вилояти Шаҳрисабз тумани хўжалиги ишчиси вазифасидан бошлаган.

1991–1992 йилларда Тошкент шаҳар Олмазор тумани ИИБ патруль–пост хизмати ротаси милиционери, 1992–2009 йилларда Тошкент шаҳар Олмазор тумани ИИБ навбатчилик қисми навбатчи ёрдамчиси, тергов бўлими терговчиси, катта терговчиси, бўлинма бошлиғи, бўлим бошлиғининг ўринбосари, 2009 йилда Тошкент шаҳар Яккасарой тумани ИИБ бошлиғининг ўринбосари – тергов бўлими бошлиғи, 2009-2013 йилларда Транспортдаги Ички ишлар бошқармаси бошлиғининг ўринбосари – тергов бошқармаси бошлиғи, 2013-2016 йилларда Қашқадарё вилояти Ички ишлар бошқармаси бошлиғининг ўринбосари – тергов бошқармаси бошлиғи лавозимларида фаолият кўрсатган.

Ўзбекистон Республикаси Президентининг 2015 йил 27 августдаги Фармонига асосан Х.Каршиев “Ўзбекистон Республикасида хизмат кўрсатган юрист” фахрий унвонига сазовор бўлган.

Ўзбекистон Республикаси Президентининг 21.09.2016 йилдаги ПҚ-2606-сон Қарори билан Х.Каршиев Ўзбекистон Республикаси Адлия вазирининг ўринбосари - Суд қарорларини ижро этиш, судлар фаолиятини моддий-техника жиҳатдан ва молиявий таъминлаш департаменти директори этиб тайинланган.

Фуқароларни қабул қилиш ҳафтанинг пайшанба куни соат 15.00 дан 17.00 гача.

Телефон: (0371)235-42-97 


Вазифалар тақсимоти 

Ўзбекистон Республикаси Президентининг 2011 йил 23 августдаги ПҚ–1602-сон қарори билан тасдиқланган Ўзбекистон Республикаси Адлия вазирлиги тўғрисидаги низомнинг IV боб 15-бандига мувофиқ, Ўзбекистон Республикаси Адлия вазирлиги раҳбарияти ўртасида вазифалар қуйидаги тартибда тақсимланган: 

Вазирга:

- адлия органлари ва муассасалари фаолиятини ташкиллаштириш
ва уларга умумий раҳбарлик қилиш;

- вазирлик ҳайъатининг фаолиятини бошқариш;

- вазирлик ишини режалаштириш ва унинг бажарилиши устидан назоратни таъминлаш;

- Ташкилий-назорат ва таҳлил бошқармаси фаолиятига раҳбарлик қилиш;

- Кадрлар бошқармаси фаолиятига раҳбарлик қилиш;

- Ишлар бошқармаси фаолиятига раҳбарлик қилиш;

- Марказий бухгалтерия фаолиятига раҳбарлик қилиш;

- Ахборот хизмати фаолиятига раҳбарлик қилиш;

- Биринчи бўлим фаолиятига раҳбарлик қилиш;

- молиявий, шунингдек моддий-техника таъминоти, ходимларнинг моддий ва маиший шароитларини яхшилаш билан боғлиқ масалаларни амалга ошириш вазифалари белгилансин.

 

Вазирнинг биринчи ўринбосарига (Н.Жўраев):

- Қонунчилик бош бошқармаси фаолиятига раҳбарлик қилиш;

- Жиноий, маъмурий ва ижтимоий қонунчилик бошқармаси фаолиятига раҳбарлик қилиш;

- Иқтисодий қонунчилик бошқармаси фаолиятига раҳбарлик қилиш;

- Идоравий норматив-ҳуқуқий ҳужжатларни давлат рўйхатидан ўтказиш бошқармаси фаолиятига раҳбарлик қилиш;

- Ҳуқуқий тарғибот ва ахборот бошқармаси фаолиятига раҳбарлик қилиш;

- Юридик хизматларнинг фаолиятини мувофиқлаштириш ва методик таъминлаш бошқармаси фаолиятига раҳбарлик қилиш;

- Ҳуқуқий ахборот билан таъминлаш маркази фаолиятига раҳбарлик қилиш;

- “Адолат” нашриёти давлат корхонаси фаолиятига раҳбарлик қилиш;

- “Инсон ва қонун” газетаси таҳририяти фаолиятига раҳбарлик қилиш;

- “Ҳуқуқ ва бурч” ижтимоий-ҳуқуқий журнали таҳририяти (муассислар билан келишган ҳолда) фаолиятига раҳбарлик қилиш вазифалари белгилансин.

Шунингдек, Адлия вазирлиги тизимида ахборот-коммуникация технологияларини ривожлантириш бўйича масъул раҳбар этиб тайинлансин.

 

Вазир ўринбосарига (А.Усманов):

- Тадбиркорлик субъектлари ва хорижий инвестицияларни ҳуқуқий ҳимоя қилиш бошқармаси фаолиятига раҳбарлик қилиш;

- Шартномавий-ҳуқуқий ишларни назорат қилиш бошқармаси фаолиятига раҳбарлик қилиш;

- Давлат хизматлари кўрсатишни мувофиқлаштириш ва ривожлантириш бошқармаси фаолиятига раҳбарлик қилиш;

- Нотариат, адвокатура ва ФҲДЁ органлари бошқармаси фаолиятига раҳбарлик қилиш вазифалари белгилансин.

Шунингдек, молия-хўжалик фаолиятига оид ҳужжатларга биринчи имзо қўйиш ҳуқуқи берилсин.

 

Вазир ўринбосарига (А.Ташкулов):

- Жамоат, нодавлат нотижорат ва диний ташкилотлар бошқармаси фаолиятига раҳбарлик қилиш;

- Юридик таълим ва суд-экспертиза фаолиятини мувофиқлаштириш бошқармаси фаолиятига раҳбарлик қилиш;

- Халқаро-ҳуқуқий бошқармаси фаолиятига раҳбарлик қилиш;

- Инсон ҳуқуқларини ҳимоя қилиш бошқармаси фаолиятига раҳбарлик қилиш;

- Тошкент давлат юридик университети фаолиятига раҳбарлик қилиш;

- Юристлар малакасини ошириш маркази фаолиятига раҳбарлик қилиш;

- Х.Сулаймонова номидаги Республика суд экспертизаси маркази фаолиятига раҳбарлик қилиш;

- Тошкент юридик коллежи фаолиятига раҳбарлик қилиш;

- Тошкент давлат юридик университети ҳузуридаги академик лицей фаолиятига раҳбарлик қилиш вазифалари белгилансин.

 

Вазир ўринбосари – Адлия вазирлиги ҳузуридаги Суд қарорларини ижро этиш, судлар фаолиятини моддий-техника жиҳатидан ва молиявий таъминлаш департаменти директори (Х.Каршиев)га Суд қарорларини ижро этиш, судлар фаолиятини моддий-техника жиҳатидан ва молиявий таъминлаш департаменти (кейинги ўринларда Суд департаменти деб юритилади) ҳамда унинг ҳудудий бўлинмалари фаолиятига раҳбарлик қилиш вазифаси белгилансин.

Вазирлик раҳбарияти ўз хизмат жойларида вақтинча бўлмаганда
ёки ушбу лавозимлар вакант бўлган тақдирда, ўзаро ўриндошлик қилиб туриш қуйидагича белгилансин:

- вазир бўлмаганида, унга юклатилган вазифаларни бажариш вазирнинг биринчи ўринбосари зиммасига;

- вазирнинг биринчи ўринбосари Н.Жўраев бўлмаганида, унга юклатилган вазифаларни бажариш вазир ўринбосари А.Ташкулов зиммасига;

- вазир ўринбосари А.Усманов бўлмаганида, унга юклатилган вазифаларни бажариш вазир ўринбосари А.Ташкулов зиммасига;

- вазир ўринбосари А.Ташкулов бўлмаганида, унга юклатилган вазифаларни бажариш вазир ўринбосари А.Усманов зиммасига;

- вазир ўринбосарлари бўлмаганида, уларга юклатилган вазифаларни бажариш вазирнинг биринчи ўринбосари Н.Жўраев зиммасига;

- вазир ўринбосари - Суд департаменти директори Х.Каршиев бўлмаганида, унга юклатилган вазифаларни бажариш Суд департаменти директори ўринбосари зиммасига юклатилади.