Familiya, ism, ota ismini o‘zgartirish to‘g‘risidagi arizalar “Fukarolik holati dalolatnomalarini kayd etish qoidalari”ga ko‘ra fuqaro yashovchi hududdagi FHDYo bo‘limlarida ko‘rib chiqiladi.

Ayni kunlarda respublikamiz mustaqilligining 19 yilligiga bag‘ishlangan, “Bu muqaddas Vatanda azizdir inson” degan g‘oya asosida turli targ‘ibot tadbirlari o‘tkazilmoqda. Adliya, Oliy va o‘rta maxsus ta’lim vazirliklari, O‘zbekiston Respublikasi Prezidenti huzuridagi Davlat va jamiyat qurilishi akademiyasi xodimlaridan iborat 3 ta ishchi guruhi joylarda targ‘ibot ishlarini boshlab yubordi. “Bosh qomusimiz demokratik taraqqiyot yo‘lida va fuqarolik jamiyatini barpo etishda mustahkam poydevordir”, “Barkamol avlod istiqboli yo‘lida”, “Mamlakatimizni modernizatsiya qilish va fuqarolik jamiyati barpo etish — ustuvor maqsadimiz” kabi mavzularda joylarda tashkil etilayotgan tadbirlarga aholining barcha qatlamlari, jalb qilinayapti.

Adliya vazirligining kengaytirilgan Hay’at majlisi bo‘lib o‘tdi. O‘zbekiston Respublikasi Adliya vaziri R.Muxitdinov boshqargan majlisda adliya organlari va muassasalarining 2010 yilning o‘tgan I yarim yilligi davomida amalga oshirgan ishlari sarhisob qilinib, 2010 yilni muvaffaqiyatli yakunlash yuzasidan vazifalar belgilab olindi.

Jizzax viloyatida. Hududiy adliya boshqarmasi tomonidan Paxtakor tumani, Navbahor SFU hududidagi “Chamanzor” qishloq fuqarolar yig‘inida “O‘zbekiston Respublikasining sud-huquq tizimida amalga oshirilayotgan islohotlarning inson huquqlarini himoya qilishdagi ahamiyati” mavzuida seminar-yig‘ilish tashkil etildi.

Yangibozor tumanida yashovchi hojatbaror M.Matnazarov hamda shu hududda yashovchi I.o‘anievlar o‘rtasida qarzdorlik muammosi uzoq davom etdi. Tomonlar murosaga kelish yo‘lini topa olishmadi. To‘lov talabi doimo inkor etib kelindi. Bu jarayonda sodir bo‘lgan asab qaqshashi holatlari har ikkala fuqaroni hatto adoi-tamom qilayozdi. Taajjub. Qarz beruvchi va undiruvchi sud qarorini ijro etish chog‘idagina o‘zlariga kelishdi.

Bu voqea Urganchdagi kasb-hunar kollejlaridan birida sodir bo‘ldi. Kollej talabasi mashg‘ulotga qatnashmay tartibni buzgani uchun jismoniy tarbiya o‘qituvchisi tomonidan kaltaklandi (Ma’lum mulohazalarga ko‘ra, ularning ismi-sharifini oshkor etmaslikni ma’qul ko‘rdik). O‘quvchining yuz-ko‘zlari lat yeb, 6 kun shifoxonada davolandi. Ichki ishlar bo‘limi jabrlanuvchining shikoyati asosida zo‘ravon muallimga nisbatan ma’muriy tartibda ish qo‘zg‘adi.

Yurtimizda adolat va qonunchilikni mustahkamlash yo‘lida amalga oshirilgan ko‘lamdor tadbirlar natijasida kuchli va samarali tarzda faoliyat ko‘rsatishga qodir yangicha sud-ijro bo‘g‘ini yuzaga keldi va bu jarayon tobora takomillashmoqda. Hozirga kelib, Sud departamentining Xorazm viloyati hududiy boshqarmasi qaramog‘ida 11 ta sud ijrochilari bo‘limi barqaror faoliyat ko‘rsatayapti. Ijro harakatlari tanlov yo‘li bilan soha ishiga jalb qilingan 40 dan ziyod malakali huquqshunos kadrlar tomonidan amalga oshirilmoqda.

“Bola huquqlarining kafolatlari to‘g‘risida”gi Qonun katta ijtimoiy-siyosiy, madaniy va ma’naviy ahamiyatga molik huquqiy hujjat bo‘lib, yurtimizda kelajagimiz, orzu-umidimiz bo‘lmish barkamol avlodni kamol toptirishga xizmat qiladi.